Saqqummersitsineq
Kalaallit kinaassusaannik misissuisoq
Kalaaliussutsip suuneranik, Paamiuni Katersugaasivik saqqummersitsilluni oqallissaarinermut qaaqqusivoq
Kalaaliussuseq sunaana. Assilialiortartup atuakkiortullu Linda Riberip inuit 20-t assigiinngitsorujussuit taama apeqquteqarfigisimavai.
Taannalu saqqummersitsinermik 'Kalaaliussuseq sunaana?' qulequtaqartumik pilersitsisimavoq. Taanna sapaatiuppat Paamiut Katersugaasiviani ammarneqassaaq.
- Suliama saqqummersinneqarnerani anguniarpara eqqarsalersitsinissaq – aamma oqallinnissaq, Linda Riber oqarpoq.
Oqaloqatigiikkusulersitsissasoq
Taassuma kalaallit 20-t assigiinngitsorujussuit apersorlugillu assilisimavai, Kalaallit
Nunatta ullumikkut inissisimanera eqqarsaatigalugu kinaassutsiminnik aamma inuiaqatigiinni suut imminerminnut Nunatsinnullu unammillernarnerpaanersut oqaluttuartillugit.
Assit takukkit: Illoqarfitoqaq nutarterneqartoq
- Neriuutigaara assinik takusaasoq alapernaannerulersissinnaassallugu, apeqqutinik nutaanik
apeqquteqarusulersissallugu aamma kalaaliussuseq pillugu inoqatiminnik
oqaloqatiginnikkusulersissallugit, Linda Riber oqarpoq.
Taanna Danmarkimi Europamilu nunani arlalinni, Nunatsinni USA-milu suliaminik
takutitsisareerpoq.
Paamiuni katersugaasivik sapaammi novembarip arfernanni nalunaaqutaq 13.00-mit 16.00 tungaanut ammassaaq.