pisortaq nutaaq
Kalaallit Illuutaat Aalborgimiittoq nutaamik pisortartaartoq
Avatangiisinut Pinngortitamullu Naalakkersuisoqarfimmi Søren Stach Nielsen pisortatut atorfeqartareerpoq
Kalaallit Illuutaat Aalborgimiittoq aggustip aallaqqaataa aallarnerfigalugu nutaamik pisortartaarpoq, tassani Søren Stach Nielsen pisortanngorluni.
Atorfininneranut atatillugu qaaqqusisoqarpoq aggustip 29-ani.
Atorfik 38-nit qinnuteqarfigineqarpoq, maajimilu qinnuteqartoqarsinnaalerluni.
Søren Stach Nielsen Avatangiisinut Pinngortitamullu Naalakkersuisoqarfimmi pisortaasareerpoq. Cand.techn.soc-lisut Roskilde Universitetscenterimi ilinniarsimasuulluni. Søren Stach Nielsen kalaallisut qallunaatullu allassinnaallunilu oqalussinnaavoq.
Namminersorlutik Oqartussani atorfeqarnermini danskit suliffeqarfiutaanik ilisimasaqareerpoq.
- Kalaallit Illutaanni atorfeqalerninnut tatigineqarninnut qujavunga. Illumi atuisunut sullissinissannut suleqatikka suleqatigilernissaat qilanaaraara. Aalborg Kommune aamma illup attaveqaataanik suleqateqalernissaq pissanganartuuvoq. Attaveqaatit illumut, Kalaallit Nunaannullu iluaqutaapput, Søren Stach Nielsen atorfinitsinneqarnerminut tunngatillugu oqarpoq.