Aalborg Universitet
Kalaallit eqqartuussissuserisunngorniat angusarissaartut
Kalaallit North Atlantic Law Programmemi ilinniartut Aalborg Universitetimi soraarummeerneranni 12-mik angusaqarput
Kalaallit pingasut North Atlantic Law Programmemi Aalborg Universtietimi ilinniartut soraarummeernerminni angusarissaarput.
Nuunu-Mari Olsenip kandidatitut allaaserisani illersorlugu 12-imik karakteerilerneqarpoq, taamaalillunilu North Atlantic Law Programmemi ilinniartuni siullersaalluni cand.jur.-mik taasinnaanngorpoq.
Arctic Business Network taama allappoq.
Kandidatitut soraarummeerummi karakteeri annerpaaq
Nuunu-Mari Olsen suliffissarsereerluni advokatfuldmægtigitut Advokatfirmaet Meinelimi Nuummi aasaanerani sulinngiffiup kingorna sulilertuussaasoq ilisimatitsissutigineqarpoq. Taassuma kandidatitut soraarummeerutaa ilaqutariinnut kingornussisussaatitaanermullu tunngavoq.
Bacheloritut ilinniartut marluk Sika Nielsen Lange aamma Ivana Knudsen 12-mik karakteerinnapput. Taakku Kalaallit Nunaanni Eqqartuussivik suleqatigalugu tigumminninneq pillugu projektimik allaaserisaqarput.
- Bachelorprojekt unammillernarnikuuvoq, inatsisinut atuuttunik ilisimasanut tunngaviusunik nassaarnissaq ajornaassimanngimmat, tigumminninneq pillugu atuakkani aamma eqqartorneqarpallaannginnami. Kisianni kalaallit eqqartuussiveqarnerat pillugu ilikkagaqartorujussuuvugut, Sika Lange Arctic Business Networkimut oqarpoq.
Kalaallit eqqartuussiveqarnerat pillugu atuagaqarpallaanngilaq, ilinniartut taamaattumik inatsisilerinermut periuseq atorlugu nammineerlutik eqqartuussivimmi aalajangiinernut nassaarisaminnut paasiniaasassapput, inatsisillu atuuttut inernilertarlugit.