Skip to main content

Kalaallit Danmarkimiittut: Affaat suliffeqanngitsut

25-nit 50-inut ukiullit pingajorarterutaannaat sulisarput

Kalaallit Danmarkimi najugaqartut affaasa missaat suliffissaaleqisuupput. Kisitsisit beskæftigelsesministeriap saqqummiuteqqammisaasa nutaat tamanna takutippaa.

Nationale Forsknings- og Analysecenter for Velfærdip, VIVE, kalaallit 18-it aamma 60-it akornanni ukiullit suliffeqarfinnut qanoq atassuteqarnerat misissuiffigisimavaa.

Ukioqatigiiaanilu tamani kisitsisit annilaarnarput. 25-t aamma 50-it akornanni ukiulinni taamaallaat 33 procentit suliffeqarfimmut attuumassuteqarput. Danskit akornanni kisitsisit 75 procentimiipput. Ukioqatigiiaat taakku 44 procentii suliffissaaleqisuupput. Danskit 14 procentii suliffissaaleqisuullutik. 

Kilde: VIVE

Uani suliffissaaleqisutut nalunaarsorneqarniaraanni minnerpaamik ukiup affaani ullormusianik, aningaasanik pisartakkanik ikiorsiissutinik, napparsimanermi pisartagaqarsimasariaqarput imaluunniit siusinaarluni soraarnerussutisiaqartariaqarlutik.

Ilinniarneq akilertarpoq

Suliffeqarnermi kalaallit arnartaat angutinit ingerlalluarnerupput.

Ilinniarsimassutsip qaffasissusaa qiviaraanni, suliffeqarnermut attuumassuteqarneq ilinniarsimanerutilluni nukittunerusumik inissisimasarpoq. Ukioqatigiiaanilu tamangajanni aamma danskit akornannit pitsaannginnerusumik inissisimasoqarpoq.

Kalaallit qaffasissumik ilinniagaqartut ingerlalluartortaapput. Taakku 90 procentingajaat suliffeqarput. Tamannalu danskinit pitsaanerujussuuvoq, tassani kisitsit taamaallaat 78 procentimi inissisimammat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER