kunngikkormiut oqaluffiat
Kalaallit Christiansborg Slotskirkemi naalagiarput
Kunngikkormiut sapaat una Christiansborg Slotskirke ilagiinnut kalaallinut atortippaat
Sapaammi februaarip 7-anni kalaallit kunngikkormiut oqaluffianni Christiansborg Slotskirkemi siullermeersumik naalagiarput.
Københavnimi kalaallit naalagiarnerat Helligåndskirkenimi ingerlanneqartaraluarpoq, Helligåndskirkenili nutarterneqarmat Dronning Margrethep nammineerluni kissaatigisimavaa kalaallit naalagiartarnerat kunngikkut namminneq illussaarsuarmi oqaluffiannut nuunneqarallassasoq.
Isaatitsissut sioqqullugu alutorsartut
Esarilluinnarpoq kalaallit ilagiit illussaarsuup oqaluffia tupinnaannartoq alutoreqigaat, taamaattumillu amerlasuut smartphoneminnik assiliipput.
Isaatitsinerup kingorna Joorut Petersenip naalagiarneq aallarnerlugu Jonathan Motzfeldtip tussiusiaa ´Annaassisoq, tusartigut tatmatta´ tusarneqisumik atorpaa. Palasip Jens Kristian Kleistip oqaluussinermini dronningi ilaqutariillu kunngikkormiut qutsavigai.
Kalaallit ataatsimooqatigiinnerat
Naalagiarnerup kingorna pisarnertut Kalaallit Illuutaanni kaffisoqatigiittoqarpoq kaagimik illulerlugu. Naalagianut kaffillertuuvoq peqatigiiffik Pilutaq, peqataasullu ilarpassui kalaaliupput tappavunga nuussimasut.
Helligåndskirkenip nutarternerata naammassineqarnissaata tungaanut kalaallit Christiansborg Slotskirkemi naalagiartassapput.