Odense

Kalaallit assigiinngissitaarnerat pillugu oqallinneq

Odensimi Nordatlantisk Husimi Kalaallit Illuat aamma paasissutissiisarfik Psyk Info Odensimiittoq suleqatigalugit aaqqissuussineq piviusunngortinneqarpoq

Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen

Attaveqaqatigiinneq, isummat pigiliutiinnakkat, allaanerussuseq, pingaartitat, kulturi, ammaneq, maniguunneq, kinaassuseq, quiasaariaaseq pingasunngornermi Odensimi Nordatlantisk Husimi oqaatsit oqallinnermi atorneqartut ilagaat, tassani nerrivimmi oqalliseqataaseqataasut arfinillit tamarmik assigiissutigaat Kalaallit Nunaanni aamma Danmarkimi najuqarsimanertik, taakku takkuttorpassuit kalaaliuneq qanoq innersoq paasisaqarnerulaartinniarsaraat.

Oqallinneq ilinniarsimasunik sulisunit aaqqissugaavoq. Tassa imaappoq, inuit ulluinnarni assigiinngitsutigut Kalaallit Nunaanneersunik sullitaqartut. Assersuutigalugu ilinniartitsisut aamma isumaginninnermut siunnersortit. Inuit 60-t missaaniittut najuupput.

Oqalliseqataasut

  • Vivi Edwardsen ernisussiortuusimasoq
  • Rikke Lundblad Kalaallit Illuanni sulisoq
  • Helga Maqé Nielsen Ilinniarfissuarmi ilinniartitsisuusimasoq
  • Ivalu Møller-Egede isumaginninnermut siunnersorti
  • Rasmus Larsen politeeq
  • Hans Peter Mønsted psykologiimik ilinniartoq
  • Gorm Vold oqallinnermik aqutsisuuvoq

Foreningen Grønlandske Børnip filmiliai pingasut
Paasisimasallit oqallinnerat filmit pingasunit kulturit assigiinngssusaannut tunngasunik aallaaveqarpoq, taakku Foreningen Grønlandske Børnip nittartakkamini tamanut takusassianngorlugit suliarisimavaat.

  • Filmi siulleq: Paasinninneq, alapernaanneq aamma isummat pigiliutiinnakkat
  • Filmi aappaat: Danmarkimut pineq
  • Filmit pingajuat: Siunissaq meeqqanut pigitinneqarmat

Oqallinneq
Sammisat annertuut amerlaqisut eqqartorneqarput. Assersuutit ilaat oqallinnerup ingerlanerani oqaatigineqartut aaku. Paasisimasallit oqalliseqataasut akornanni arlalinnit uterneqarpoq, kalaaliunertik pillugu isummanik pigiliutiinnarneqarsimasunik tusagaqakkajuttarneq.

Soqutaannginnerusut aamma quianarsinnaasut, aammali nuanninngitsut annernarsinnaasut. Tupaallannanngitsumik annertuumik isumaqatigiissutigineqarpoq, qallunaatut oqalulluarsinnaagaanni Danmarkimi kalaaliuneq oqinnerulersartoq.

Arlallilli oqaluttuaraat, oqallorikaluarluni kulturikkut assigiinngissutit pissutigalugit immikkut ittutut misiginarsinnaasartoq. Illuatungaanilli aamma eqqugaasutut misiginnginnissaq mianersuunneqartariaqartoq oqaatigineqarpoq.

Oqaluttuat nuannersut nuanniitsullu
Tusagassiutit saqqaanni oqaluttuat nuanniitsut takussaakkajupput. Taamaa oqalliseqataasut arlalinnit naqissuserneqarpoq, oqaluttuat nuannersut annertunerusumik saqqummiunneqartariaqartut.

Tamarmik tusarneqassapput. Oqalliseqataasut arlaqartut kalaallimik qallunaamillu angajoqqaaqarput. Amerlanertigut: 'Kalaallit Nunaanni qallunaajuvunga, Danmarkimilu kalaaliuvunga'. Imaqqami oqartoqartarnerattut, nunagisaq piffissami sivisulaami qimallugu kinaassuseq nassaariniarlugu aallaqqaartoqartariaqartoq ilumoorsinnaavoq.

Piffissaliigit tusarnaarlutillu
Minnerunngitsumillu suna oqaatigineqarnersoq tusarnaaruk, oqaloqatigiikkaannilu suna tamarmi ajornannginnerusumik ingerlasarpoq. Aperineq sianiinnerunngitsoq eqqaamaneqartariaqarpoq, taamaallaalli akissutipalaat sianiitsuusut oqaatigineqarpoq.

Soqutiginnittorpassuit oqallittunik malinnaasut akunnerit marluk ingerlareersullu, kalaallit Danmarkimiittut assigiinngissutit suut unammillernartut naapittarneraat paasisaqarfigilaarunarpaat, aammalu minnerunngitsumik kalaallit eqqarsartariaasaat kulturiallu paasisaqarfigilaarlugu.

Assigiinngissitaarneq tunissutaavoq
Else Kirk Psyk Infomeersoq, akunnerpaaluit sammisaqartitsisoqareersorlu Danmarkimi assigiinngissitaartunik tikilluaqqusineq pikkoriffigineqarnerusariaqartoq oqariartuuteqarpoq, assigiinngissitaarneq tunissutaammat.

- Nammineq isumaga naapertorlugu, Danmarki massakkut aatsaat taamak soqutiginartigaaq, tassami kulturit assigiinngitsorpassuit imminnut nassaareqatigiinniarsarisussaapput, Else Kirk ilaatigut taama oqarpoq.

Allaaserisap ataani assit marluk takukkit

Powered by Labrador CMS