assammik arsarneq
Kalaallit assammik arsartartui ajorsalaaqqittut
Assammik arsarnermi nunanut allanut unammisartut danskit U21-nut pingasoriarlutik unamminerminni unamminerit tamarmik ajorsarfigaat
Annonse
Angutit assammik arsartartut nunanut allanut unammisartut danskit U21-nut sapaatimmat unamminerminni 23-25-mik ajorsarput.
Taamaasilluni kalaallit danskit U21-nut pingasoriarlutik unamminerminni unamminerit tamarmik ajorsarfigaat. Danskit U21-mi unammisartut Brasiliami nunarsuarmi pissartanngorniuteqataassapput qaammatip tulliani.
Kalaallit unammineq aallartilluarnerugaluarpaat 10-9-mik siuaqqallutik muminnermi.
Kisianni tassa unammineq naammassimmat isertitanik marlunnik isertitakinnerullutik ajorsarput.
Sisamanngormat siullermik unammipput, tassani danskit 28-25-mik ajugaapput, arfininngormallu unamminermi 34-26-mik ajugaallutik.
Unamminerit tamarmik Nuummi ingerlanneqarput.