Kalaallit arsaattarnerannut millionilikkaanik tunniussivoq

20 millionit koruuninit 25 millionit koruuninut.

Taakku aningaasat Kalaallit Nunaata isikkammik arsaattarnerup ineriartortinneqarnissaanut iluaqutigisinnaavai.

Tassami ataatsimeersuarnermut 'Siunissami Timersorneq'-mut ulluni makkunani Nuummi ingerlanneqartumut atatillugu, Dansk Boldspil-Union aningaasaateqarfinnit aningaasaliisartunillu aningaasanik nunatsinni ineriartortitseqataasussanik katersisimapput, KNR taama allappoq.

Atuaruk: Ataatsimeersuartitsineq timersornerup siunissaanut tunngassaaq

Atuaruk: Isikkammik arsaanneq annertusiniarlugu suleqatigiinnermut isumaqatigiissut

Ineriartorneq annertooq
Aningaasat piukkunnaatilinnik ineriartortitsinermut aamma sungiusaasunik aqutsisunillu pikkorinnerusunut ilinniartitsinermut atorneqassapput.

- Pingaarnertullu, arsaattarfiit pitsaanerusut pisariaqartinneqarput, DBU-mut siulittaasoq, Jesper Møller, KNR-mut taama oqarpoq. Taanna sisamanngornermi ataatsimeersuarnermi saqqummiivoq.

- Kalaallit Nunaanni meeqqat taama pitsaanngitsigisunik arsaattarfeqartissinnaanngilagut. Ivigaasaaqqanik arsaattarfiit ikitsuinnaarput - amerlanerit sioraapput - tamannalu pinngitsoorata iliuuseqarfigisariaqarparput.

Atuaruk: Peqatigiillutik Nunarput Uefa-mut ilaasortanngortinniarpaat

Nunaqarfinni arsaattarfiit pitsaanerusut
Jesper Møllerip oqaatigaa, aningaasaateqarfiit attaveqarfigisaasa aningaasanik tunniussaat kommunini sisamaasuni ivigaasaaqqanik arsaattarfinnik 4-6-inik pilersitsinissamut atorneqassasut.

KNR-ip ilisimatitsissutigaa, arsaattarfiit ivigaaraasallik kisiamik suliarineqanngitsut. DBU-p aamma kissaatigaa nunaqarfinni pitsaanerusumik atugassaqartitsinissaq, assersuutigalugu multibaninik sanaartornikkut.

Atuaruk: Suleqatigiinnissamik isumaqatigiissutikkut nunatsinni arsaanneq siuarsarneqassaaq