Kalaallit Airports A/S

Kalaallit Airportsip siulersuisut amerlisikkai

Kalaallit Airports A/S-ip ulloq 16. februar 2018 immikkut ittumik ataatsimeersuarnermi siulersuisuniilaasortat marluk nutaat, Louise Hasle aamma Finn Gaarsmand toqqarpai. Taakku tamarmik Danmarkiminngaanneerput.

Johannus Egholm Hansen
Bestyrelsersformanden Johannus Gunnar Egholm Hansen fra Kalaallit Airports har fået udvidet bestyrelsen med et ekstra medlem.

Louise Hasle, Berit Koertzip, inuttut pisunik peqquteqartumik siulersuisuni aniniarluni aalajangersimasoq,
taarserlugu siulersuisuni ilaasortanngorpoq. Finn Gaarsmand siulersuisunut ilaasortat 5-iniit 6-inut amerlisinneqarneranni, siulersuisunut ilaasortanngorpoq.

- Louise Hasle aamma Finn Gaarsmand ingerlatseqatigiiffiup siulersuisuini ilaasortaalernissamik, taamaalillutillu Nuummi, Ilulissani aamma Qaqortumi mittarfiliassat piviusunngortinneqarnissaannut peqataanissamut, neqerooruteqarneq tigulluarmassuk Kalaallit Airports A/S-imi siulersuisut naammagisimaartorujussuuaat, Johannus Egholm Hansen siulersuisuni siulittaasuusoq, tusagassiuutinut nalunaarummi oqarpoq.

Aningaasalersueriaatsinik immikkut ilisimasalik

Louise Hasle 47-inik ukioqarpoq, aammalu Danmarkimi EKF-imi (Eksport Kredit Fonden) Chief Underwriter-itut atorfeqarluni. Nunarsuaq tamakkerlugu suliniutinut aningaasalersuinermi annertuumik misilittagaqarpoq, immikkut anorip nukinga atorlugu suliniutit aallussimallugit, ilanngullugit suliassani annertoorujussuarmik angissuseqartuni aammalu pisariussuseqartuni taarsigassarsititsinermi atugassarititaasut aalajangersimasut isumaqatiginninniutigineqartarneri.

2007-imi EKF-imi atorfininnissani sioqqullugu Louise Hasle ilaatigut Københavns Fondsbørs A/S-imi aamma
Novo Nordisk A/S-imi sulisimavoq. Sulinermi saniatigut Louise Hasle Aningaasalersuisarnermut Copenhagen
Business Schools Institut-imi suliniuteqarnernut aqqutissiuussisartutut sulisarpoq.

Louise Hasle Københavnimi Handelshøjskole-mi (maannakkut Copenhagen Business School) Aningaasalersuinermi aamma Naatsorsuuserinermi Cand. Merc.-itut ilinniarsimasuuvoq.

Suliniuteqartartoq

Finn Gaarsmand 60-inik ukioqarpoq, ingeniøriuvoq, aammalu Danmarkimi FLSmidth A/S-imi Global EPC
Director-itut atorfeqarluni, tassani cementinik suliffissuaqarnerup iluani suliniutinut EPC / turnkey-nut
neqerooruteqartarneq aammalu taakkuninnga suliaqartarneq nunarsuaq tamakkerlugu suliaqarfigalugu.

Finn Gaarsmand nunani tamalaani suliniutini aqutsinermik aammalu assigiinngitsunik kultureqarlutik
aaqqissuussaanerni annertoorujussuarmik misilittagaqarpoq, aammalu arlaleriarluni ilaatigut Egypten-imi,
Tunesien-imi, Columbia-mi, Chile-mi, Spanien-imi, Tyskland-imi aamma Mexico-mi suliartorluni
aallartitaasarsimalluni. Finn Gaarsmand ilaatigut tuluttut, tyskisut aamma spaniamiutut oqaluttarpoq.

Suleqatigiit

- Sanaartornermik suliassani taama annertutigisuni, suliassanut aningaasalersuutissanik pisariaqartunik pissarsiniarnermik aammalu suliassat ingerlanneqarnissaasa aqunneqarnerannut suliassanut, suliaqartussat misilittagaqartut piginnaaneqartullu pisariaqartinneqarput. Louise Hasle-p aamma Finn Gaarsmand-ip siulersuisuni ilaasortaalerneranni, tamarmik siulersuisut piginnaasaqarfiinik nukittorsaasuullutik, aammalu siulersuisut sinnerinut aammalu ingerlatseqatigiiffimmi ulluinnarni aqutsisunut isumasioqatissatut piginnaasaqarlutik sulisinnaasunik nutaanik marlunnik siulersuisuni ilaasortaqalersugut, misigisimavunga. Peqatigisaanik ingerlatseqatigiiffik sinnerlugu, piffissaq iluatsillugu Berit Koertz piffissami siulersuisuni ilaasortaanermini ingerlatseqatigiiffimmut pikkorilluni suliaqarsimaneranut qutsavigerusuppara, siulersuisuni siulittaasoq tusagassiuutinut nalunaarut naapertorlugu oqarpoq.

Siulersuisut:

  • Johannus Gunnar Egholm Hansen
  • Finn Møller Gaarsmand
  • Louise Hasle
  • Jákup Sverri Fonsdal Kass
  • Aviâja Lyberth Lennert
  • Peter Eduard Christiansen
Powered by Labrador CMS