Mittarfeqarfiit
Kalaallit Airportsimi siulittaasoq tunuarpoq
Leo Larsen tupaallaatigineqartumik siulittaasutut tunuarpoq, Namminersorlutillu Oqartussat suliffeqarfiutaanni Kalaallit Airportsimi ukiup affaa siulittaasuulluni.
Leo Larsenip siulersuisuni siulittaasutut tunuarnissani nammineq kissaatigisimallugu Sermitsiaq.AG-mut naqissuserpaa.
- Tunuarniuteqarlunga nalunaaruteqarama Naalakkersuisunut aamma naqissusernikuuara, allamik ilassutissaqanngilaq, Leo Larsen Hellerupimi angerlarsimaffimminiik taama oqarpoq. Danmarkimi suliffeqarfimmi Sund & Bæltimi pisortaanertut sulereerluni ukioq kingulleq soraarninngorpoq. Suliffeqarfiulli pigisaani A/S Storebælt, A/S Øresund aammalu A/S Femern Landanlæg-imiik pisortaanertut tunuarluni.
Namminersornerullutik Oqartussat suliffeqarfiutaanni Kalaallit Airpotsimi Leo Larsen misilittagaqarluartoq siulersuisuni siulittaasuusoq annaavaat. Kalaallit Airports Qaqortumi mittarfissap pilersinneqarnissaanut atatillugu pilersinneqarpoq, soorlu aamma Nuummi Ilulissanilu mittarfiit tallilerneqarnissaannut atatillugu pilersinneqartoq.