Skip to main content

Kalaallit Airports: Akulerunnasi - akit uagut aalajangersassavagut

Kalaallit Airports, mittarfinnik nutaanik sanaartornissamut ingerlatsinissamullu akisussaaffilerneqarsimasoq, piumasaqarpoq Naalakkersuisut mittarfissani nutaani akinut, akinullu tunngaviusunut, akilerussinnaatitaassanngitsut.

Nuummi, Ilulissani aamma Qaqortumi mittarfiit sananeqarnissaannut aningaasalersorneqarneqarnissaannullu  sinaakkutissatut piumasaqaatit pillugit tusarniaassummut akissummi Kalaallit Airportip Attaveqaqatigiinnermut Naalakkersuisoqarfimmut akissutaani takuneqarsinnaavoq ingerlatseqatigiiffik inatsisissatut siunnersuummi aalajangersakkanut arlalinnut isumaqataanngitsoq.

Aalajangiisinnaarusupput

Kalaallit Airport kissaateqarpoq atuisussat akiliutigisartagassaannut nammineerluni akinik aalajangiisarnissaminut. Kalaallit Airportip tusarniaassummut illuatungiliilluni taama piumasaqarnera iluatsissappat, inatsisissamullu siunnersuummut allannguisoqarluni, taava Kalaallit Airportip akitiginniagai Naalakkersuisuinit akuerineqaqqaartassanngillat.

Tusarniaanermut akissummi takuneqarsinnaavoq paragraf 10 stk. peerneqartussanngortoq. Titarneqarsimavormi:

Imm. 3. Akit akinullu tunngaviusut, kiisalu taakkununnga allannguutissat Naalakkersuisunit akuerineqartassapput.

Naalakkersuinikkut akuleruttoqartassanngitsoq

Taamaalilluni Kalaallit Airportimit kissaatigineqarpoq naalakkersuinikkut akuleruttoqartannginnissaanut aalajangersaasoqarnissaanut. Aamma paragraf 9-imi aalajangersagasassatut allanneqareersimavoq ”Ingerlatseqatigiiffimmut maleruaqqusat naapertorlugit suliaqarnini ingerlatissavaa. Ingerlatseqatigiiffiup suliaqarnera tamarmiusoq niuernermik tunngaveqartumik ingerlanneqassaaq”.

Tusarniaanermut akissummi takuneqarsinnaavoq Kalaallit Airportip siunnersuummi immikkoortut arlallit nungusarneqarnissaat kissaatigigaa, taamatullu aamma paragraffit arlallit ilassuteqarfigineqarnissaat kissaatigisimagaa.

Allannguutissatut siunnersuutit arlallit

Kalaallit Airportimit ilaatigut kissaatigineqarpoq ingerlatseqatigiiffik ingerlatseqatigiiffinnik allanik aamma pilersitsisinnaatitaassasoq, taamaalilluni ingerlatseqatigiiffiit pilersinneqartut Kalaallit Airportip suliassaasa ilaannik ingerlatsisinnaassammata.

Ingerlatseqatigiiffiup samma kissaatigaa aningaasaliissutit ukiumoortumik nalimmassarneqartarnissaat, taamaalilluni akit qaffannerani aningaasaliissutit eqqortorneqartannginnissaat anguniarlugu.

Kalaallit Airportip Ilulissani aamma Nuummi mittarfiit ingerlatilissagai siunertaavoq, kisianni aamma taakkunani nunatat mingutsinneqarsimassangaluarpata saliinissamut piginnittuusimasut akisussaatinneqassasut Kalaallit Airportimit piumasarineqarpoq.

Aningaasartuutissat ilisimaneqanngitsut - qujaannarpugut

Kalaallit Airport sanaartorfissagissaaneq nunalu tamakkerlugu pilersaarusiortarnermut malittarisassatut aalajangersagassatut inatsisissami siunnersuummi aalajangersarneqartuni paragraf 11-imi aalajangersakkanut akisussaatinneqarusunngilaq. 

Siunnersuummimi allassimavoq ”Nuummi aamma Ilulissani nunani tamalaani mittarfinnik kiisalu Qaqortumi nunap immikkoortuani mittarfimmik kapitali 2 naapertorlugu sanaartornermut atatillugu, pisortanit ingerlanneqartumik attaveqaqatigiinnermik pilersitsinissamik pisariaqartinneqalersunik sanaartornissamut aningaasartuutit akilerneqarnissaat pillugu Naalakkersuisut kommuninut isumaqatigiissusiorsinnaassapput”.

Paragraffimi tassani immikkoortoq 2 titarneqarsimavoq Kalaallit Airportimillu inatsisissatut siunnersuummi ilaasariaqanngitsoq isumaqarfigineqarluni.

Akiligassitsikkusunngillat

Ingerlatseqatigiiffiup kissaatiginngisaa tassaavoq Naalakkersuisut ingerlatseqatigiiffimmut akiliisussanngortinneqarsinnaanerat.

Oqaaseqatigiimmi uku titarneqarsimapput:

Mittarfinni pingasuni attaveqaqatigiinnermik pilersitsinissamik pisariaqartinneqalersunik sanaartornissamut aningaasartuutit agguarneqarnissaannik Naalakkersuisut Kalaallit Airportimut isumaqatigiissusiorsinnaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER