Kalaallit Airports: Aana ingerlariusissaq

Ilulissani Nuummilu mittarfinnik kikkut sanaartussanersut pillugit ingerlariusissaq Kalaallit Airportsimit saqqummiunneqarpoq

Neqeroorutit ingerlatseqatigiiffimmi apriilip affaata siulliup missaani 2019-imi tiguneqarsimassapput, taamaalilluni mittarfinnut marluusunut suliassanik suliassinneqartartoq ajugaasoq maajip aallartinnerani qinerneqareersimaqqullugu, Kalaallit Airports tusagassiutinut nalunaaruteqarpoq.

Kalaallit Airportsip naatsorsuutigaa Nuummi Ilulissanilu mittarfiit nutaat sanaartorneqarnissaannut, inaarutaasumik suliarinnittussarsiuussinissaq januaarip affaani kingullermi aallartissallugu – Nuummi mittarfimmut ASN nalunaarusiaq pillugu inaarutaasumik tusarniaanerup kingorna. Suliffeqarfiup nalunaarutigereerpaa mittarfiit 2023-mi naammassineqarsimassasut.

Suliarinnittussarsiuussineq

Kalaallit Airports siulersuisuisa oktobarimi Canadamiut Bird Johnson Joint Venture Ilulissani Nuummilu mittarfiit sananeqarnissaannut suliarinnittussarsiuussinermut peqataanissaannut piukkunnartutut inississimavaat.

- Qallunaat suliassanik suliassinneqartartut suliffeqarfiat Aarsleff aasaq suliarinnittussarsiuussinermit tunuarnerata kingorna, nuannaarutigaara uppernarsarsinnaagakku, suli Canadamiut peqatigiillutik aningaasarsiornikkut suleqatigiit ataatsit naleqquttumik piginnaasallit maannakkut neqerooruteqassallutik periarfissaqalermata, Steffen Ulrich-Lynge, tusagassiutinut nalunaarummi oqarpoq.

Bird Johnson Joint Venture sanaartorluni suliniutinik annertuunik immikkut ukkataqartuupput aamma St. Johnsimit Newfoundlandimi aallaaveqarlutik ataqatigiinnermut aaqqissuussinernik aamma suliniutinik allanik Canadap ilaani assigiinngitsuni naammassisaqartarsimapput.

Aningaasaliinermut piumasaqaatit

- Suliarinnitussarsiuussineq ilutigalugu, qallunaat naalagaaffianik aamma Den Nordiske Investeringsbankimik, atornissamut isumaqatigiissutsini inaarutaasumik aningaasaliinermut piumasaqaatit pillugit, isumaqatiginninniarnerit naammassineqarnissaat sulissutigineqassapput, soorlu ingerlatsivik siunissami qaninnerusumi ingerlatsiviup ilusissaanik pilersitsissasoq, naalagaaffiup aamma Namminersorlutik Oqartussat akornanni isumaqatigiissutigineqartumut ilanngullugu isumaqatigiissutigineqarsimasoq. Saniatigut, Qaqortumi mittarfimmut suliarinnittussarsiuussilluni atortut aamma pingaarnertut pilersaarusiornerup aallartinneqarnissaa pillugu aalajangiinissamut tunngavissat pisariaqartut pilersinniarlugit, ingerlatsiviup sulinini ingerlateqqissavaa, taamaalilluni taanna, Nuummi aamma Ilulissani mittarfiit ilutigalugit naammassineqarsinnaaqqullugu, politikkikkut aalajangiisoqartoqarneranik nuannaarutiginnittoq Steffen Ulrich-Lynge oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS