Kalaallit Airports: Aningaasat nanissaqqaarpavut

Namminersorlutik Oqartussat 100 pro­centimik suliffeqarfiutaanni Kalaallit Airports A/S­-imi siulersuisut pilersaarutit, Nuummi Ilulissanilu mittarfiit 2.200 meteri­nut tallineqarnissaannut aamma Qaqortumi nutaamik 1.499 meterinik takissusilimmik mittarfiliornissamut tunngasut sisamann­gornermi decembarip aallaqqaataanni ataatsimiittoqarnerani saqqummiuppaat.

Siulersuisut siulittaasuata Leo Larsenip ippassaq sisamanngornermi Naalakkersui­sut siulittaasuat Kim Kielsen, Namminer­ sorlutik Oqartussat aktianik piginneqataaf­ fippassuinut politikkikkut akisussaasuusoq, pilersaarutit siuariartornerat piffissaliussa­ tullu pilersaarutit ullumikkut ilisimaneqar­tut pillugit ilisimatippaa.

Sulineq ingerlasoq
Kim Kielsen suliffeqarfiup juulimi piler­sinneqarnerata kingorna ima oqarpoq:

- Kalaallit Airports maanna sulinissami­ nut piareerpoq, maannalu mittarfiit pinga­sut taakkua sanaartorneqarnissaat pilersaa­ rusiorneqarlutillu naatsorsuusiorneqassasut, soorlumi mittarfiit pineqartut pitsaa­ sumik aamma aningaasalersorneqarnissaat qulakkeerneqassasoq.

- Siulersuisut sulianut tunngatillugit sumut killippat?

- Maanna killiffigisarput tassaavoq, sa­ naartornissap pilersaarusiornerata ingerlanissaa qularnanngitsumik marsimi/apriilimi tamakkiisumik takusinnaalissavarput, Leo Larsen Sermitsiamut oqarpoq.

Siunnersuisartut
Suliap ingerlanneqarnera Kalaallit Air­ports A/S­-ip aamma Kommuninut, Nunaqarfinnut, Isorliunerusunut, Attaveqaqati­giinnermut Ineqarnermullu Naalakkersui­soqarfiup qanittumik suleqatigiissutigaat.

- Tamatuma peqatigisaanik suleqatigiif­fiusussamik pilersitsiartuaarpugut, tassumalu suleqatigalugit naalakkersuisoqarfik aamma suliffeqarfiit pioreersut, soorlu Mit­ tarfeqarfiit aamma Air Greenland, soorlumi aamma siunnersuisartut pisuni aalajangersi­masuni atorfissaqartitavut aamma ikiortise­risarivut, Leo Larsen oqarpoq.

Steffen Ulrich­-Lynge, Kitaani nunap im­mikkoortuini mittarfiit arfineq marluk 1994­99­-imi sanaartorneqarnerannut akisus­saasuullunilu sanaartornermi pisortaasimasoq, suliffeqarfiup pisortaaneratut decemba­rip aallaqqaataanniit atorfinippoq.

Allaaserineqartoq Sermitsiami atuarneqarsinnaavoq. Aviisi uani pisiariuk:

Sermitsiaq Uge 49 2016

Klik her for at læse