Skip to main content

Kalaallit Airport: Akitsuusiisalernissaq Nuummiunut akisussaaq

Ilulissani Nuummilu mittarfittaassatigut angalasussanut immikkut akitsuusiisalernissaq Kalaallit Airportimit ernumaammersitsivoq.

Naalakkersuisut pilersaarutigivaat Ilulissani aamma Nuummi mittarfittaassatigut angalasussanut immikkut akitsuusiisalernissaq. Akitsuut Nunatsinni mittarfeqarfiit akilersinnaanngitsumik ingerlasunut matussutissatut atorniarneqarpoq.

Pilersaarut nalitooq

Pilersaarulli Kalaallit Airportsimut kinguneqarnerlussasoq Kalaallit Airportip Attaveqaqatigiinnermut Naalakkersuisoqarfimmut mittarfiit sananeqarnissaannut aningaasalersorneqarneqarnissaannullu sinaakkutissatut piumasaqaatit pillugit tusarniaassummut akissutaani takuneqarsinnaavoq.

- Ukiumut akitsuutit tamakkiisut 75 millioner koruunit angalasumut ataatsimut 623 koruuninik akitsuusiinerup nalingivai, taakkualu avataanit tikittussat 120.000-it naatsorsuutiginerinit aallaaveqarpoq, ingerlatseqatigiiffik ilisimatitsivoq.

Akitsuutissaq qaffasinnerusoq

Kisianni akitsuutaasussat naatsorsuutigineqartoq naatsorsuutigineqartumit qaffasinnerusinnaavoq. Minnerunngitsumit altantiku qulaallu Nuummut ingerlaartunut.

- Akitsuut taanna Nuummut Ilulissanullu toqqaannartumik angalasunut kisimi akilertittarniarneqarpat, taakkualu Kalaallit Nunaanni sumiiffinni allanut ingerlaqqittarnianngippata, taava akitsuut (ilaasumut ataatsimut 623 koruuni, aaqq.) annertunerulersinnaanera naatsorsuutigineqarsinnaavoq, ilimagineqanngilarmi Ilulissanut ukiuni qulini siullerni ukiuunerani toqqaannartumik timmisartuussisoqartarnissaa, taamaattumik ilaasut akitsuummut tassunga akiliisussat naatsorsuutigineqartumit ikinnerunissaat ilimanarsinnaavoq. Akitsuummillu akiliisussat Nuummiit Nuummulluunni altantiku qulaallugu angalasussanut tutsinneqartussanngorsinnaalluni, akissummi taama allattoqarpoq.

Tunngavilersuutit allat

Ingerlatseqatigiiffik aamma allanik tunngavilersuuteqarpoq:

Ilaasunut akitsuut bilitsit akikinnerulernissaannut siunertanut naapertuutinngilaq.

Akitsuutip timmisartukkut angalasussat 6,6 procentit eqqussavai, taakkualu nalingissavaat 8000-inik angallattukinnerulernera (2023-imi).

Kaaviaartitat ukiumut 7 millioner koruuninik ikinnerulissapput, ingerlatseqatigiiffiullu akiliisinnaassuseqarneranut 8,7 millioner koruunik sunniuteqarnerlussalluni.

Akiliisinnaassuseqarnerlunnerulerneq sunniuteqartussaassaaq ingerlatseqatigiiffiup nunani tamalaani aningaasanik atukkiisartunut atorniarniagaasa annertussusissaanut.

- Namminersorlutik Oqartussat taarsiullugu timmisartuutileqatigiit mittarfinni atuinerminnut akiliutitut akitsuutissaat ilanngullugu Kalaallit Airports A/S-imut tunniuttassangaat piumasarineqarpat, taava tamanna ingerlatseqatigiiffiup atorniarnissaanut ajornakusoortitsilissaaq:

Taputartuutsinissamut naaggaarput

- Nunani tamalaani aningaasanik atukkiisartut taamatut Kalaallit Airportip aamma Namminersorlutik Oqartussat akornanni aningaasanik tapitartuutsitsiniarneq akueriuminaatsissavaat, tamanna Kalaallit Airportimit akissummit takuneqarsinnaavoq.

Kalaallit Airportimit neriuutigineqarpoq Naalakkersuisut aningaasat taakkua akitsuutinik aarusutatik allanit matussuserniarsinnaassangaat, taamaalilluni ilaasut amerlatsinissaannut aamma aningaasalersuinissamut akimmisaartitsisoqaqqunagu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER