piviusulersaarusiaq
Kalaallip piviusulersaarusiaa Norgemi nersornaatisisoq
Issittormiut piviusulersaarusiaat festivalertinneqarnerini kalaaleq filimiortartoq Paninnguaq Skydsbjerg Jacobsen suleqatinilu piviusulersaarusiaat 'Walls' pillugu nersornaatisinneqarput
Nina Skydsbjergip Kalaallit Nunaani isertitsivimmi Wallisi inuuneq pillugu piviusulersaarusiassaa, nersornaatisivoq.
Filimiliortut piviusulersaarummik minutsit sisamat missaannik sivisussuseqartumik saqqummersitsinerat pillugu nersornaaserneqarput.
Nersornaasiineq Tromsømi North Pitch – Below Zero 2018 festivalertoqarnerani pivoq.
Tupatsitaangaatsiarneq
Piviusulersaarusiaq 'Walls' suliniutit aqqanillit akornanni 'The Arctic Documentary Award' aamma 'The Below Zero Award' nersornaammut unammeqataavoq.
- Nutaaliornerpaatut nersornaatisinerput, tupaallannaqaaq. Nersornaaserneqaratta qullilivunga, Nina Skydsbjerg Jacoksen Sermitsiaq.AG-mut oqarpoq.
2019-imi naammassiniartoq
Taassuma piviusulerusiartik naammassineqarsimaneqarsimanngitsoq nangissinnaalerlugu. paasissutissiaraa.
- Ukioq ataaseq sinnerlugu suliarivarput, Norgemilu festivalertoqarnerani suliatta qanoq nanginneqarsinnaanera aalajangiisartunut takutipparput. Apeqqutinik akissuteqarsimavugut tamannalu 15 minutsiinnarni ingerlavoq. Piviusulersaarusiarpat naammasigutsigit Norgemiit nunanillu allaniit suleqatiginnikkusuttunik saaffigineqarpugut, taanna erseqqissaavoq.
Nersornaatisiap saniatigut filmiliortartut aningaasat suliniummut atungassat 10.000 norskit koruunii pissarsiaraat. Piviusulersaarusiaq upernaamut naammassinissaa, Nina Skydsbjerg Jacobsenip naatsorsuutigaa.