meeqqat pornoliarineqartut
Kalaallip inuusuttup meeqqat pornoliarineqarneri pillugit unnerluutigineqarnissani utaqqisariaqassavaa
Meeqqat pornoliarineqarnerinut suliamut atatillugu inuusuttut 1000-nit amerlanerusut piffissami aggersumi killisiorneqarnissamut aggersarneqassapput.
Suliami annertuumi inuusuttut 1000-nit amerlanerusut videonik aamma assinik Facebookikkut chatikkut kinguaassiutitigut kanngunarsaarisunik nassiussuinermut unnerluutigineqassapput.
Inuusuttut suli unnerluutiginnissut tigunngilaat, kisianni piffissami aggersumi najukkaminni politeeqarfimmut killisiorneqarnissamut aggersarneqassapput.
Suliaq Nordsjællands Politimut attuumassuteqarpoq, taakku Københavns Politi, Københavns Vestegns Politi aamma Nationale Cyber Crime Center (NC3) qanimut suleqatigaat.
Taakku ataatsimut iliuuseqarneq ataqatigiissaarpaat, tassani Danmarkip politiivisa immikkoortortaqarfiinit 12-iusunit 11-t ilaapput, Kalaallit Nunaat ilanngullugu.
Maanna suliat qanoq politeeqarfiit immikkoortoqarfiini qanoq agguataaneqarnersoq uani takuneqarsinnaavoq. Suliat agguataarneqarnerini immikkoortuni suli allanngortoqarsinnaavoq.
- Nordjyllands Politi: Suliat 55.
- Østjyllands Politi: Suliat 77.
- Midt- og Vestjyllands Politi:Suliat 62.
- Sydøstjyllands Politi: Suliat 50.
- Syd- og Sønderjyllands Politi: Suliat 35.
- Fyns Politi: Suliat 34.
- Midt- og Vestsjællands Politi: Suliat 47.
- Sydsjællands og Lolland-Falsters Politi: Suliat 20.
- Nordsjællands Politi: Suliat 286.
- Københavns Vestegns Politi: Suliat 151.
- Københavns Politi: Suliat 183.
- Grønlands Politi: Suliaq ataaseq.
Tigulaarinniffik: Rigspolitiet.