Kalaaliminernik biilinit tuniniaasoq

Danmarkimi suliffeqarfik Greenland Food kalaaliminernik tuniniaasarpoq, tassani biilinik tuniniakkat ingerlanneqartarlutik.

Pisiniarfinni pisiassannik ujaarleqqaarnak suliffeqarfiup nittartagaani pisiassat aalajangersinnaavat. Taava suliffeqarfiup biilinik angerlarsimaffinnut tunniukkiartussavai.

- Kalaallit Danmarkimi najugaqartut aamma inuit Kalaallit Nunaannut attuumassuteqartut pisiniarfitsinnut pisisuunerusarput. Ilaqartarpulli aamma tunisassianik pitsaasunik piserusuttunik inniminniisartut, Greenland Foodimi pisortaq Allan Chemnitz oqarpoq. Taassuma suliffeqarfiup decembarimi 2014-mi pilersippaa.

Pisiassat amerlanerusut
Suliffeqarfik pilersinneqarmat sulippaakkat, eqaluit ammassaallu panertut kisimik tuniniarneqarput.

- Suliffeqarfitsinnut naapertuuttumik siullermik ingerlasoqanngilaq. Raajanik tunisaqartarnivut ajornartorsiutaanngillat, taakku Iceberg Seafoodimeersuupput. Qalerualinnik tunisaqartarnivut ingerlalluarnerujussuupput, Allan Chemnitz oqarpoq.

Suliffeqarfik allamik aamma anguniagaqarpoq, tassami assartuinerup akikinnerulernissaa sulissutigineqarmat.

- Tunisavut tunniunniarlugit ilaatigut sivisuumik ingerlasinnaasarpugut aningaasaqarnitsinnut sunniutaasumik, suliffeqarfiutilik oqarpoq.

Gung Go
Raajat tunineqarnerinut ussassaarummik nutaamik Greenland Food sanaqqammerpoq, taannalu ateqartinneqarpoq: Gung Go.

Tunisassiarineqalersup 70 procentii raajaapput, sinnera naqittagaavoq immussuaallunilu.

Gung Go pisiniarfinnut neriniartarfinnullu tulluussagaavoq.

- Tunisassiarineranut iluatitsinerussalluta neriuutigaarput, tamannami aningaasaqarnitsinnut sunniuteqarluassagaluarmat, Allan Chemnitz oqarpoq.

- Aamma suliffeqarfik Sjællandimut nuunneqarsinnaanera periarfissaavoq, tassanimi nioqqutaatitsinnik pisisartut amerlanersaapput. Storebæltsbrokkummi angalaneq akikitsuinnaanngilaq.

Aarhusimi nerisassanik festivalertitsisoqarnerani saqqummiunneqassaaq qaammatip tulliani.

'Pinngortitamit nerisassat' pillugit Sermitsiaq.AG aggustimi sammisaqarpoq. Sammisaq pillugu allaaserineqartut allat uani atuakkit