kukkunersiuineq
Kalaaliaqqami pissutsit paatsiveqanngitsut
Nuummi kalaaliaraq pisiniarfittut namminersortuusimagaluarpat taama ingerlatsisoqarsinnaanavianngikkaluarpoq. Naatsorsuutit ukiunut kingullernut pingasunut tunngasut amigaataapput
Kalaaliaraq Nuup illoqarfiata qeqqani ammarneqarmalli aalisakkanik nioqquteqarneq amigartoorutaasumik ingerlanneqarsimavoq. Kalaaliaqqap ingerlanneqarnera ukiumut 2 millioner koruuninik akeqarpoq. Aningaasat taakkua pingaartumik sulisut aningaasarsiaannut atorneqartarput, aningaasallu taakkua Kommuneqarfik Sermersuumi innuttaasunit tamanit kommunip karsia aqqutigalugu akilerneqartarlutik.
Tamanna siorna novembarimi killiffissiornermit takutinneqarpoq. Pissutsit paatsiveqanngitsut suliassaqarfinnut arlalinnut siammaakkiartornerat kukkunersiuisut attuumassuteqanngitsumik misissuinerannit maanna takutinneqarpoq. Deloitte Sermersuup aningaasaqarneranik misissuataarinissamik suliassaqarpoq. Suliassamullu tassunga Kalaaliaqqamut, suliffeqarfiit nalinginnaasut allat assigalugit ukiut tamaasa naatsorsuusiortartussamut, naatsorsuutit ilaapput. Kukkunersiuisulli eqqumiigilluinnagaannik 2011-2013-imut naatsorsuutit amigaataapput.
Taamaattumik Kalaaliaqqap kukkunersiuiffigineqarnissaa taamaatiinnartariaqarsimavaat.
Allaaserineqartoq tamaat Nuuk Ugeavisimi atuarneqarsinnaavoq. Aviisi akeqanngitsumik ataani aajuk: