qitittartoq
Kalaaleq qitittartoq qitinnermut ilinniarfimmukassaaq
Qiajuk Studiomi qitittartut ilaat Oure Høgskelep qitinnermut ilinniarfimmi ilinnialissaaq
Kalaaleq qitittartoq piukkunnaatilik saqqummerpoq.
Sofie Louise Abelsen, Nuummi Qiajuk Studiomi qitittartoq Oure Høgskolep qitinnermik ilinniarfiani ukiumi ataatsimi sivisussusilimmik ukiumi 2017-2018-imi atuarfiusumi ilinniarnissaminut akuerisaavoq.
Sofie Louise Abelsen taamaalilluni kalaallini qitittartuni sungiusarsimasuni ilinnialertuni siulliuvoq.
Sakkortuumik sungiusartoq
Ouremut akueritinnissaq unammissutaasarpoq, inissallu pilerngunneqartarput, Ruth Montgomery-Andersen, Qiajuk Studiosimik piginnittoq ilisimatitsivoq.
Sofie Louise Abelsenillu qitinnermik ilinniarfimmi aallartinnissaminut qilanaarpoq.
- Ilinnialernissamut akuerisaanera nuannaarutigalugu tulluusimaarutigaara. Ruth Montgomery-Andersen misilitsinnissamut suleqatiginikuuara, ilinniarnertuunngorniarfillu aasaru naammassigukku Ouremi aallartinnissara qilanaaraara, Sofie Louise Abelsen oqarpoq.
Atuaruk: Kinaassuseq pillugu qitinnermik filmiliaq