Kalaaleq nakorsanngortoq nutaaq

Kalaallit Nunaanni nakorsat nutaamik ilapput.

Britt Anne Nielsen, Nuummeersoq, Københavns Universitetimit ataasinngormat ilinniakkaminik naammassinnippoq aggustillu aallaqqaataani Dronning Ingridip Napparsimmavissuani sulilissalluni.

Nakorsatut taartaasoq

Britt Anne Nielsen nakorsanngorniarluni ilinniagaqarnini 2009-mi aallartippaa, ukiup siuliani Nuummi GUX-imit ilinniarnertuunngoreersimalluni.

Taanna 2014-imiilli Rigshospitalimi nakorsatut taartaalluni sulisimavoq ilanngullugulu ilinniagaqarnermi nalaani Avalak-mi, kalaallit Danmarkimi ilinniagaqartut kattuffianni, arlaleriarluni siulittaasuusarsimavoq.