Tuesday, March 14, 2017 - 12:07

Kalaaleq filmiliortartoq aningaasatigut tapiisussarsiorpoq

Kalaallit qallunaallu nittartakkakkut isiginnaagassiaat nangeqattaartoq 'Polar' aningaasanik katersuiniarnermik aallartitsivoq, tassani inuit nunarsuarmi tamaneersut aningaasatigut tapiissuteqarsinnaapput
Assi.: Polar
Kalaallit qallunaallu nittartakkakkut isiginnaagassiaat nangeqattaartoq 'Polar' aningaasanik katersuiniarnermik aallartitsivoq, tassani inuit nunarsuarmi tamaneersut aningaasatigut tapiissuteqarsinnaapput

Kalaaleq filmiliortartoq, Aka Hansen, filmiliornermik ilinniarfimmi Københavnimi Super16-imi ilinniaqatini, Maria Møller, peqatigalugu nangeqattaartumik Nuummi immiussiniarpoq.

- 1 koruuniminngaanniit 90.000 koruunit tikillugit kickstarter aqqutigalugu tunniussisoqarsinnaavoq. Annertuumik pilersaaruteqarpugut, taamaammallu annertuumik naatsorsuuteqarpugut. Aningaasat tamakkinngikkutsigit susinnaanngilagut. Annilaanganartupilussuuvoq, Aka Hansen tusagassiuutinut nalunaarummi allappoq.

Ilisimasanik siammarteriniartut
Ilitsersuisut Natalia Ciepiel aamma Alexander Ohrt peqatigalugit 'Polar' immiutissavaat.

- Nuup aamma kalaallit kulturiannut ilisimasanik siammartereqataarusuppunga. Danmarkimi ilinniarfigisannik ingammik amigaataasoq isumaqarpunga. Kalaallit Nunaata Danmarkillu akornanni ikaartarfimmik pilersitseqataanissara neriuutigaara. Soorunami aamma 'Polar' nunarsuaq tamakkerlugu saqqummernissaa neriuutigaara, Aka Hansen oqarpoq.

Suliniut uani tapersersinnaavat

Uani ataani video takuuk

Seneste nyheder / Nutaarsiassat kingulliit