Kalaaleq 30-nik ukiulik toqutseriareernerata kingorna sakkortunerpaamik pineqaatissinneqarnissaa unnerluussisup piumasaqarpoq

Ukioq kingulleq aggustip qaammataani Østerbromi Københavnimiitumi orpikkat akornanni arnaq atisaqanngitsoq inuunerminillu navianartorsiortoq toraarneqarpoq.

Taanna nalunaaquttap akunnerini qulingiluani, saassunneqarereernermi kinguaassiutimigulli atornerlunneqareernermi kingorna tassaniissimavoq.

Unnerluussisulli maanna piumasaraa, angut kalaaleq 30-nik ukiulik pinerlussimanermut pineqaatissinneqassasoq.

Paarineqassasoq

Unnerluussisuutitaasut aalaavigalugit, unnerluutigineqartoq ulorianaateqarnera pissutigalugu immikkut paarineqarnissaanik pineqaatissinneqartariaqartoq. Tassa piffissami killilingaanngitsumi taanna paarnaarunneqassasoq.

- Peqqarniiserluinnarluni kinguaassiutitigut atornerluineruvoq, unnerluutigineqartulli eqqungaasoq toqoriaraluarsimavaa, unnerluussisoq Søren Harbo oqarpoq.

Arnaq, taamani 38-nik ukioqartoq, ullaassakkut arpassimavoq angerlaqqinnanilu.

Arnap oqaluttuarnera aallaavigalugu angutip nalusaata Sporsløjfen 10-p eqqaani saassusimavaa pinngitsaalillugulu atoqatigisimallugu.

Tilluineq, isummikaaneq toqqusassiinerlu

Pinngitsaaliinerup nalaani pinerluttup saassutaani toqoriarsimangaluarpaa. Tamanna tilluaanermigut, isummikaanermigut allunaasamillu qimitsinikkut pisimavoq. Tamatuma kingorna taanna aanaartoq ilisimanngitsorlu orpikkanut qimassimallugu.

Arnaq peqqarniilluinnartumik saassunneqarsimasoq ullumikkut ima aaqqissimatigaaq, pinerlunneq pillugu eqqartuussivimmi oqaluttuarinissaanut aggersangaasimalluni.

- Suliami eqqugaasoq napparsimavimmit angerlartitaasimavoq, eqqartuussivimmilu uppernarsaarusulluni, Søren Harbo oqarpoq.

Arnap piffissami suut eqqaamasinnaanerai, maanna paasissutissiarinissaa taassuma kissaatiginngilaa.

Suliami inissisimalluartoq

Arnap eqqaamasai pineqanngikkaluarpataluunniit, unnerluussisoq suliamut inissisimalluarpoq.

Unnerluutigineqartuo tigummingallarneqarnerata nalaani, arnap aavaa angutip atisaani nassaarineqarsimapput. Videukkut nakkutilliissutit atorlugit pasineqartoq ullaassakkut pinerluffiusimasup eqqaani angalaarnera takuneqarsinnaavoq.

Unnerluutigineqartoq Kalaallit Nunaanni najungaqartuuvoq piffissamilu sivikitsuinnarmi Danmarkimiinniarsimangaluarluni.

Pinngitsuunerartoq

Angut unnerluutigineqartunut pinngitsuunnginnerarpoq. Taaasumalli nassuiaatai suli ilisimaneqanngillat

Suliaq Københavnip eqqartuussiviani pingasunngorpat aallartissaaq, maajillu 22-ni aamma 23-nilu nanginneqassaaq.

/ritzau/