KAK: Nunanut allanut unammisartut siunissaat suli aalajangerneqanngilaq

Arnanut angutinullu nunanut allanut unammisartut siunissaat isikkamik arsaannermi kattuffiup KAK-p suli aalajanginngilaa

Fodboldkamp, landshold, OB, U19, juni 2015

Island Gamesimi unammersuaartoqarnerani isikkamik arsaattartut nunanut allanut unammisartut arnat angutillu kingullermik unammipput ukioq kingulleq.

Tamanna pereermat sungiusaqatigiittoqaqqinnikuunngilaq, futsalertartulli nunani allani assigiinngitsuni unammeqataasareerput. Nunanut allanut unammisartut siunissaat qanoq isikkoqarnersoq KAK-mi siulittaasup tullia Finn Meinel pillugu Sermitsiaq.AG-mit aperineqarpoq.

- Arnanut angutinullu nunanut allanut unammisartut pillugit suli aalajangiisoqarnikuunngilaq, Finn Meinel oqarpoq.

Periarfissat misissorneqarput
Nunanut allanut unammisartunut tunngatillugu periarfissat misissorneqartut oqaatigaa. Misissorneqartut KAK-mi siulersuisunut saqqummiuffigineqarumaartut oqaatigaa.

- Kisianni tassa suli aajangiisoqanngilaq, KAK-mi siulersuisup tullia oqarpoq. Nunanut allanut sungiusaasunik toqqaasoqassanersoq aamma oqaatigisinnaanngilaa.

Angutit futsal-ertartut Nordic Cup-imi peqataanissaannut pilersaarusiortoqartoq ilisimatitsissutigaa.

Powered by Labrador CMS