pinngortitaq minguitsoq
Kajumissaarut: Eqqagassanik eqqaasarnerit pitsaanerusariaqarput
Silami eqqagassanik eqqaasarnerit Lasse Nymand Petersen Nuummeersup qatsuppai
- Qaqqap qaavani eqqagassarpassuaqarpoq, taquarisatsinnullu puugut kisimi ulikkaarpagut. Eqqagassasi nassartarniarsigit!!! Pinngortitaq taama isikkoqassanngilaq.
Lasse Nymand Petersen Ukkusissat qaavaneereerluni allappoq. X-Fit Nuuk peqatigalugit qaqqaq arfininngormat qaqivaat.
- X-Fit Nuummeersut Ukkusissat qaavanut pisoqatigiipput. Aamma silami eqqagassanik eqqaasoqartannginnissaa pillugu malunnartitsiniarsarivugut, eqqagassarpassuit takoreerlugit Sermitsiaq.AG-imut saaffiginnittoq Lasse Nymand Petersen oqarpoq.
- Cigaretsikorpassuaqarpoq katersukkatsinnik. Illoqarfinni cigaretsinut arsakoorfeqarpoq akeqanngitsumik pineqarsinnaasunik, taakkoqalerneralu malunnartinniarparput aamma. Lasse Nymand Petersenip oqaatigaa innuttaasut asuli eqqaavallaarujussuartartut.
Lasse Nymand Petersen eqqortumik oqaluppa? Illit nammineerlutit qanoq iliuuseqartarpit? Ataani oqalliseqataagit