Kaj Egede toquvoq

Siumukkormiut ilisimaneqarluartut ilaat Kaj Egede pingasunngornermi unnukkut 62-nik ukioqarluni Qaqortumi toquvoq.

Kaj Egede ukiorpassuarni politikkikkut suliaqarsimavoq. 1987-88 nunaqarfinnut isorliunerusunullu naalakkersuisuuvoq. Tamatuma kingorna 1987-miit 1992-mut aalisarnermut, suliffissuaqarnermut isorliunerusunullu naalakkersuisuuvoq.

Kaj Egede inatsisartuni naalakkersuisunilu ilaasortaajunnaarnermi kingorna inuussutissarsiutitigut arlalinnik kujataani ingerlatsivoq nammineq suliffeqarfiummini KE-Tradingimi.

Kaj Egede 2009-mi politikkimi akooqqilerpoq Kommune Kujallermi kommunalbestyrelsemut qinigaangami ilaatigut angallannermut ataatsimiititaliami siulittaasuulluni. Ukiormanna qinerisoqarnissaata tungaanut tassani ilaasortaavoq.

Kaj Egede aamma Islandimut konsuliuvoq. Tele Greenlandip siulersuisuini aamma siulittaasuuvoq 2003-miit 2010-mut.