tunineqartoq
Kaffinik tuniniaanermit Kalaallit Røde Korsiat 75.000 koruuninik tunineqarpoq
Arctic Importip pisiniarfittaavata, Super1 aamma Discountip, ammarnersiorneqarneranut atatillugu Kalaallit Røde Korsiat aningaasanik tunineqarpoq
Sapaatip akunnerata naanera Kalaallit Røde Korsiannut nuannersuuvoq.
Arctic Importip pisiniarfittaavata, Super1 aamma Discoundtip, ammarnersiorneqarneranut atatillugu aningaasanik 75.000 koruuninik tunineqarpoq, Kalaallit Røde Korsiat tusagassiorfinnut nalunaarutikkut paasissutissiivoq.
Kaffinik tuniniaanermeersut
Aningaasat kaffinik Kaffiooq-mik tuniniaanermeersuupput, kaffi puussiaq ataaseq tunineqaraangat 1 koruuni immikkoortinneqartarluni. Kingullermnik kaffinik tuniniaanermit aningaasanik tunisisoqarpoq 2012-imi, Kalaallit Røde Korsiata ukiunik 20-liilluni nalliuttorsiorneranut atatillugu.
Aningaasat KRK-p Kalaallit Nunaanni isumaginninnermik sulineranut atorneqassapput.
– Piffissami qaninnerpaami Arctic Import nutaamik suleqatigiinnissamik isumaqatigiissuteqarfigissavarput, KNK-milu neriuppugut suleqatigiinneq immaqa Kiaffiooq-mik tuniniaanerinnarmiunngitsoq sammisanik allanissaaq annertusineqarsinnaassasoq.