KA: Danmarkip tapersiinera sipaaruteqartitsissaaq

Kalaallit Airportsip (KA) Danmarkimit mittarfiliornissanut tapersiisoqarnera nuannaarutigineqarpoq. Tapersiineq pissutaalluni innuttaasut 1 milliard koruuninik sipaartoqassaaq

Kalaallit Airportsimi aningaasaqarnermut pisortaq, Peter A. Wistofft KNR-imut oqarpoq aningaasalissutissarsiat taarsersorneranni 1 milliard koruuninik sipaarutaassasoq, kiisalu taarsersuineq ukiunik 25-inik sivisussuseqassasoq.

Iluaqutissaq

Tassami tapersiisoqarneratigut Kalaallit Nunaat nunanut allanut taarsigassiissutinik ujaasisariaqarunnaassaaq.

- Aningaasat 700 millionit koruunit nammineq pigisassatut pissavagut, taakkualu erniaqartussaanngillat, sinnerilu 450 millionit koruunit marloriaataasa eriniaat nalinginnaasumik taarsigassarsitsisarfiit erneritittagaannit appasinnerussapput. Naatsorsuutigisatsinnit affaanit ikinnerussapput, Peter Wistoft KNR-imut oqarpoq.

Akitsuutit ikinnerusut

Tamannalu inuiaqatigiinnut atuisunullu pingaaruteqassaaq.

- Tamatuma kingunerisussanngorpaa, ingerlatseqatigiiffimmut isertitassatut piumasarineqartut ikinnerussammata ilaasunullu akitsuutit ikinnerusut pisariaqartissallutigit, tamannalu angalasut akikinnerusumik billetsisisinnaalernerannik kinguneqassaaq, tamakkiisumillu inuiaqatigiinnut sipaarutaassalluni, Peter A. Wistoft KNR-imut oqarpoq.

Powered by Labrador CMS