Sinniisoqarfik
Kaammattuut: Tunuarit, Aviâja Helms
Kalaallit Nunaata Sinniisoqarfiani Københavnimiittumi sooq Kuupik Kleist pisortatut atorfinitsinneqannginnersoq apeqquserneqarpoq
'Asasara Aviâja Helms. Atorfimmut tulluuttuunnginnerit pissutigalugu qinnuteqaatit utertissinnaaviuk? Atorfik Kalaallit Nunaannut pingaaruteqartorujussuuvoq. Taamaattumik Københavnimi Sinniisoqarfimmi tulluartumik pisortaqartariaqarpoq. Aqutsinermik misilittagaqareersumik atorfimmi pisortaqartoqartariaqarpoq. Qinnuteqartormi aqutsinissamik misilittagaqanngilaq.'
Kommuneqarfik Sermersuumi pisortaaneq Steffen Ulrich Heinrich allappoq.
Allaaserineqartoq 'Hardenberg: Aaqqiagiinngittoqarpoq' pillugu taama oqaaseqarpoq, tassani Naalakkersuisoqarfiup pisortaa Svend Hardenberg Aviâja Helmsimut atorfinitsineq isummerfigaa.
Uani sapaatip akunnerani Atuagagdliutini saqqummersumi allaaserineqarpoq Kuupik Kleist, Inuit Ataqatigiit, qinnuteqartullu allat 19-it atorfimmut qinnuteqarsimagaluarnerat.
Paasineqarpoq Kuupik Kleist atorfimmut tulluukkaluartoq.
Aviâja Helms atorfimmut naleqqutinngitsoq
Kalaallit Nunaata Sinniisoqarfiani atorfeqassagaanni ilaatigut piumasaqaatigineqarpoq 'ukiuni pingasunit tallimat tikillugit atorfimmi pisortatut misilittagaqareersimanissaq imaluunniit politikkikkut aalajangiisuusumik ukiuni tallimani aalajangeeqataasarsimanermut misilittagaqarsimanissaq'.
Aviâja Helms Nuummi inatsisilerituutut namminersorluni atorfeqarpoq, John Jakob Helmsilu ueralugu. John Jakob Helms ukiuni arlaqartuni Siumumi Folketingimut ilaasortanut suleqataasarsimavoq, ilaatigut Lars-Emil Johansen Doris Jakobsenilu suleqatigisarsimallugit.
Tassunga tunngatillugu AG Svend Hardenbergimut apeqqutilliisimagalurpoq kinguneqanngitsumik.
AG ataani pisiarineqarsinnaavoq: