suliassanngortitsineq
Kaalip pillaanni nunatsinni atorusuppaa
Karl Eliassen, Herstedvesterimi parnaarussaaqqasoq, paasineqaqquvoq. Atsami toqutsisua parnaarussivimmeeqatigaa
Karl Eliassen 2000-miilli Herstedvesterimi parnaarussivimmi killissaa piffissalernagu parnaarussaaqqavoq, Nunatta Eqqartuussiviani sukkasuumik eqqartuunneqareerluni toqqaannartumik Danmarkimi parnaarussivimmiittussanngortinneqarami.
Tassani ullut ukiullu ingerlapput. 2013-ip tungaanut Karl Eliassenip atukkani naammagiinnarsimavai. Ulluinnarnili atugai allanngorput, arlalinnik toqutsisoq Kunuunnguaq Korneliussen parnaarussivimmut Karl Eliassenip parnaarussaaqqaffianut eqqartuussivimmit inissinneqarmat.
Nutaarmiuni pisimasoq pillugu allaaserisat tamaasa Sermitsiaq.AG-mi atuakkit
Kunuunnguaq Korneliiussen 2012-imi februaarimi Nutaarmiuni pingasunik toqutsivoq allanillu sisamanik toqutseriaraluarluni. Toqutaasut ilagaat Karl Eliassenip atsannaava:
– Ullut tamaasa takusarlugu artornaqaaq, Karl Eliassen oqarpoq.
Ataani oqallinnermi peqataagit.