Juullip inua
Juullip Inua sinnerlugu nunarsuarmut tamarmut allattut
Juullip inuata Uummannami nissiaqqat ikiortai allakkanik Juullip inua ikiorlugu ulappupput
Juullip Inuanut allagarpassuit meeqqanit nunanit tamarmeersut takkussuupput, Atuarfik Edvard Krusemilu 9. klassimi atuartut 18-it Juullip Inuanut allakkanik akissuteqarnermi ukioq manna nissiaqqatut ikiuupput.
Atuarfik Edvard Krusemi 9. klassimi atuartut Juullip Inua sinnerlugu allakkanik siorna akissuteqarlutik allattut, ukioq manna Juullip Inuanut nissiaqqatut ikiortaaqqipput. Ulapeqaallu:
– Tele-Post aamma Post Danmark Juullip Inuanut allakkanik tamanik uatsinnut ingerlatitseqqittarput. Ukioq manna allakkanik akissutinik 5.000-inik nunarsuarmut tamarmut nassiussueqqinnissarput naatsorsuutigaarput. Maannamullu allakkat 1.200-t akissuteqarfigisimavavut, Uummannami Atuarfik Edvard Krusemi 9. klassimi atuartunut nissiaqqanullu ikiuuttunut klasselæreri, Tim Arnoldi, oqarpoq.
Juullip Inuanut allakkat: Korea Avannarlermi eqqissinermik kissaassisut
Meerarpassuit inersimasorpassuillu meerarpalussusermik nuannarisaqartut nunarsuarmit tamarmeersut juullip inuanut allakkanik kissaatinik
assigiinngitsunik imalinnik ukiut tamaasa nassiussisarput.
– Korea Kujallermiu assersuutigalugu Juullip Inuanut allappoq nunallu sanilerisap Korea Avannarliup eqqisseqatigineqarnissaanik kissaateqarluni, Tim Arnoldi oqaluttuarpoq, nangillunilu:
– Aamma Asiamit kissaaterpassuarnik tigusaqartarpugut, tamatumanilu universitetimi ilinniartut ilaatigut ilinniagaqarluarnissaminnik imaluunniit aappartaarluarnissaminnik suliffittaarluarnissaminnillu kissaateqartarlutik.
Allaaserineqartoq aviisimi Tamanut Avannaanimi atuarneqarsinnaavoq. Qaasuitsup Kommuniani pisartunik allanik aamma aviisimi atuarsinnaavutit, aviisi akeqanngitsumik ataani aaneqarsinnaavoq: