Juullimut ikiuutit ikiugassaqarani

Poortukkat qeerlutuumik, naatsiianik, paarnanik gavekortinillu imallit ilimagineqarsinnaasutut tunniukkuminaannerusimagunarput. Tamanna ikiuiniaqatigiiffiup nutaap Gestusnord-ip misigaa, taanna juullimut ikiuutiminut naammattunik qinnuteqarfigineqarsimannginnani, taamatut allappoq DR Nordjylland.
Peqatigiiffiup, Nordjyllandimi inuussutissarsiortunit aningaasaliiffigineqartup, naartsorsuutigisimagaluarpaa jyllandip avannaani ilaqutariit ikinnerpaamik 100-t juullimi ikiorumaarlugit. Mannali tikillugu qinnuteqartut 40-t missaannaanniipput.
– Uggornaqaaq poortugaateqarluni tunniussinnaanngisanik, pisortaq Hans Rasmussen DR Nordjyllandimut oqarpoq.
Taassuma naatsorsuutigaa taama qinnuteqartut ikitsiginerannut pissutaasoq ikiuiniaqatigiiffik, marsimi pilersinneqarsimasoq, ilisimaneqarpallaanngimmat.
Gestus-ip ilaqutariit meerartallit pisariaqartitsisut ikiorusuppai. Taamaattumik ukioq manna aningaasaqarniarnerit artornarpat Hans Rasmussen kajumissaarivoq peqatigiiffiup nittartagaa atorlugu qinnuteqaqqullutit, tassani immersugassaq aasinnaagakku.