juullimi angallanneq
Juullikkuni timmisartuussinissamut sila pitsaassaaq
Air Greenland Nunatta Danmarkillu akornanni sapaatip akunnerata naanerani timmisartuussiniarpoq
Nunatta Danmarkillu akornanni timmisartuussisoqqassaaq arfininngornermi sapaammilu timmisartuussisoqassaaq. Ataasinngorpalli timmisartuussisoqassanngilaq.
Ullunut tulliuttunut silassamik DMIp ilimasaarutaa timmisartuussinissamut akornusiissanngilaq pingasunngornermi kujataani sila eqqaassanngikkaanni. Taqqavanimi pingasunngornernermi anorersuarnissaa ilimasaarutaavoq taamaattoq sapaatip akunnera kingulleq anorersuarmi sakkukinnerusussamik.
Air Greenland immikkut ittumik arfininngorpat sapaatiuppallu Kangerlussuup Københavnillu akornanni timmisartuussiniarpoq. Juullip ukiortaallu akornanni aamma timmisartuusseqqissapput tallimanngorneq decemberip 27-at aamma ataasinngorneq decemberip 30-at timmisartuussissagamik
Immikkut ittumik Københavnimut timmisartuussisoqaqqissaaq arfininngorneq januarip sisamaat tamatumalu kingorna timmisartuussinerit pilersaarutit malillugit ingerlaqqilissapput.