"Juulimaaq - Nannullu Anersaava" Nuummi takuteqqinneqalerpoq
"Juulimaaq - Nannullu Anersaava" Nuummi soqutigineqarluarsimavoq. Taamaammat Nunatta Isiginnaartitsisarfia aalajangerpoq Nuummiunut takuteqqinneqassasoq.
Nunatta Isiginnaartitsisarfiata juullimut tunngasumik isiginnaagassiaa, “Juulimaaq – Nannullu Anersaava” siorna isiginnaariarneqarluarmat soqutigineqarluarmallu, Nuummi ukioq manna immikkut takutinneqartussanngorpoq. Isiginnaagassiaq novembarip 21-ani nalunaaqutaq tallimat qeqqanut, 22-anilu unnukkut nalunaaqutaq arfineq-marlunut, Nunatta Isiginnaartitsisarfiani takutinneqassasoq, Nunatta Isiginnaartitsisarfiata tusagassiutinut nalunaarutigaa.
Isiginnaagassiaq siorna sananeqarpoq, Nuummilu takuteqqaarneqareermat illoqarfinni Nanortalimmi, Qaqortumi, Narsami, Paamiuni, Maniitsumi, Sisimiumi, Aasianni
Ilulissanilu takutinneqarluni, taamaasilluni nuna tamakkingajallugu angallanneqarsimalluni, tusagassiutinut nalunaarunmmi allassimavoq.
Oqaluttuaq
Isiginnaagassiami aallaavigineqarpoq Bent Haller-ip atuakkiaa «Historien om Julemanden». Suliareqqinneqarpoq isiginnaagassianngorlugu kiisalu kalaallit oqaluttuaatitoqqagut aallaavigalugit, nalunaarummi nangillugu allassimavoq.
Oqaluttuaq ullukinnerup nalaani pivoq qaamarngup taartullu kiisalu ajortut ajunngitsullu akornanni sorsuttoqarluni. Innersuit seqineq tigusarisimavaat sunalu tamaat taartuinnanngorlugu.
Nanoq qaamaneq uterteqqinniarlugu sorsukkaluarpoq, sorsunnerminili ikilerneqarujussuarluni. Meeqqat marluk sapiitsorujussuit nanoq ikiulerpaat peqqissarlugu. Meeqqallu seqineq uterteqqinniarlugu sorsulerput, seqinerlu uterteqqinniarlugu sorsunnerminni sapiissusertik, silappaarissusertik tullimullu
asanninnitik tamaviisa atortariaqarpaat ajugaassagunik.
Isiginnaagassiamik takunnikkusuttut aalaniartariaqarput. Isiginnaagassiaq marloriarluni takutinneqassaaq, isissutissanillu tuniniaaneq aallartereerpoq, Nunatta Isiginnaartitsisarfia tusagassiutinut nalunaarummini naggasiivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...