Monday, February 12, 2018 - 13:23

Justus Hansen: Aningaasaliiniartut sumiippat?

- Aalajangerneq sianiilliornerujussuuvoq kialluunniimmi nalunngilaa, nunani allaneersut aningaasaliissutissat pisariaqartikkigut, Justus Hansen aningaasaateqarfimmik pilersitsinissamut tunngatillugu Danmarkip suleqatigiumaneqannginnera pillugu oqaaseqarpoq
Assi.: Leiff Josefsen
Naalakkersuisut erseqqissaatigeqqammerpaat ataatsimoortumik aningaasaliissarfimmik pilersitsinissamut atatillugu Danmarkiluunniit oqaloqatiginiarnagu. Aalajangerneq 'sianiilliornerujussuusoq' Justus Hansenip naqissuserpaa

- Nunani allaneersut aningaasaliissutissat pisariaqartikkigut kialluunniit ilisimavaa, Demokraatinit Justus Hansen tusagassiutinut nalunaarummi allappoq.

Kronikki
2014-mi juunimili Demokraatini,  taamani siulittaasuusoq Anda Uldum kiisalu De Radikalit Kalaallit Nunaat pillugu oqaasertartuat Christian Friis Bach isumassarsisoralugit,  Berlingskemi pingaarnertut allaaserisami kalaallit danskillu peqatigiillutik aningaasaliissutissanut aningaasaateqarfimmik pilersitsinnaanerat saqqummiuppaat. 

- Pingaarnertut tunngavilersuutaavoq  - aamma suli - Kalaallit Nunaata avataaniik aningaasaliissutissanik pisariaqartitsinera suliniuterpassuit ilaat pilersaarutaasut piviusunngortinneqassappata.  Aningaasaliissutit taakku tunngaviusumik nunarsuup sinnerani suminngaanneersinnaappulluunniit, kisianni sooq aningaasat pisariaqartinneqartut pissarsiariniassanngilagut ilisarisimaqatigiiffitsinni Naalagaaffeqatigiinnerup sinaakkutaasa iluani, Justus Hansen aperaaq.

Akikinnerpaat pitsaanerpaallu
Kalaallit Nunaanni soorunami misissussavarput qanoq assersuutigalugu mittarfiliassanut akikinnerpaamik aningaasaliissutissat  qanoq iliorluta nassaariniassanerlutigit, Justus Hansen oqarpoq.

- Kisianni Naalakkersuisut aningaasaliissutissanut aningaasaateqarfik pillugu Danmarkimik oqaloqateqarnissamut itigartitsilluinnarmata paasinngisaannartussanngorparput kalaallit danskillu suleqatigiillutik aningaasaliissutissanut aningaasaateqarfiliorsinnaanerat atorsinnaanersoq.  Naalakkersuisut oqaloqatigiinnissamut itigartitsillutik alajangernerat sianiilliornerujussuartut isikkoqarpoq, Justus Hansen oqarpoq.

2015-mi Demokraatit sinnerlugit kalaallit danskillu suleqatigiillutik aningaasaliissutissanut aningaasaateqarfiliorsinnaanerat pillugu apeqquteqaat aallaavigalugu oqallisissiamik siunnersuuteqarpoq. Naalakkersuisunit ima akissuteqartoqarpoq taanna pillugu:

- Aningaasaliisarfimmik aningaasaateqarfiliornissaq Danskit Naalagaaffiannit aamma danskit soraarnerussutisiaqalernissamut aningaasaateqarfiinit aningaasalerneqartumik pilersitsineq isumassarsiatsialaasinnaavoq. Aningaasaliisussatut taaneqartut soqutiginnissanersut – aammalu sunik piumasaqaateqarfigalugit – piffissami matumani ilisimatitsissutigineqanngillat. Naalagaaffimmilli aamma suliffeqarfittut aningaasaliisartut pingaarutillit oqaloqatigiuarneranni isummap ilaatinneqartuarnissaa Naalakkersuisut tulluartuusutut isigaat.

Aningaasaliiniartut sumiippat?
Allatut isumaqartoqalersimanera Demokraatinit uggorineqarpoq. 

- Aningaasaliisartut nunat allaneersut kikkunuku tulleriiaarlutik utaqqisut nunatsinnut aningaasaliiniarlutik aamma utaqqisut ima amerlatigisimanerlutik allaat aningaasaliissutissanut aningaasaateqarfiliorsinnaaneq pillugu Danmarkimik oqaloqateqarnissaq itigartinneqartariaqarluni?, Justus Hansen aperaaq.

Læs også

Seneste nyheder / Nutaarsiassat kingulliit