Juliep juullimi takorluukkani piviusunngortikkaa

Julie Berthelsenip qangali takorluukkani piviusunngortinnilarlugu tusarnaartitsisarfimmut qaqissaaq. Danmarkimi Herning Kongrescenterimi tusarnaariat katersortikkunigit tamanna pissaaq.

- Julip juullimut tusarnaartitsinissani qangali takorloortarsimavaa - juullimullu aliannaartitsisarnermik misilittagaqarluarluni tamanna maanna piffissanngorpoq, kongrescenteri aaqqissuussaq pillugu taama allappoq.

Julie Berthelsen orkesterimik aamma erinarsoqatigiinnik peqateqarluni, tusarnaartitsinermut Kalaallit Nunaanni, Danmarkimi aamma nunarsuup sinnerani juulli sammisaralugu tusarnaartitsissaaq.

- Juliep juullerpaluttut qanganisat ilisarnartullu, nutaamik nassuiarlugit erinarsussavai, ilisarnannginnerusunik kisianni juullisiutinik nuannersunik atuissaaq. Nammineq inuttut oqaluttuarluta immitsinnut qanillissaagut, tamatumalu juullilerneranik tamatta misigilersissavaatigut, kongrescenterimit oqaatigineqarpoq.

Tusarnaartitsinissap eqqartorneqarnera naapertorlugu Julie Berthelsen decembarip qaammataanik nuannarisaqarpoq.

- Juulleriartornera juullerneralu Juliemut immikkut pingaaruteqartuuvoq, tassami tullimut asanninnermut, uummammik kialaarnermut aamma ilaqutariit katersuunnerannik tamanna tassunga isumaqarmat.