aliikkusersuineq
Julie Vild med Dans-imit peerpoq
Julie Berthelsen illunnaanilu Marc Christensen TV2-mit aallakaatitassiamit peersitaanertik tupaallaatigaat
Julie Berthelseni 'Vild med dans'-imi arfineq aappassaani ingerlaqqereerluni ilaajunnaarpoq.
- Siusippaallaarsoraarput, Julie Berthelsen tv2.dk-mut oqarpoq.
Qiteqqittariaqarput
Julie Berthelsen qiteqannilu Mads Christensen unammeqatitik Thomas Buttenschøn Mie Moltkelu ulorianartorsiornertik pissutigalugu qiteqqittariaqarsimapput. Iluatinnaguli.
- Nuannerluinnarpoq. Unamminartui nuannersortaalu tamarmik. Ulloqarnartarpoq suna tamarmi unammillernarluni nalorninartoq. Unammillernerulli nuannersortaanut sanilliullugu tamanna annikinneruvoq, erinarsortartoq tv2.dk-mut oqarpoq.
Ajutuullattaasimapput
Illunnaariit maanna peersitaanissartik ilimagisimanngikkaluarpaat. Siuliinimi ingerlalluaraluarpat naak ajutuullattaartoqartaraluartoq. Sapaatip akunneri marluk matuma siorna orkesteri kukkusumik appikkaluarput, sapaatip akunneratalu siuliani Juliep kjolia siilluni.
Qittarinnerpaaffimminiippoq
Aallakaatitami kingullermi Julie Berthelsen qittarinnerpaaffissaminiittoq illunnaava isumaqarpoq.
- Latinerisut qitinnermi Julielu ilinniarsimasavut ullumi qitilluni takutippai, tamannalumi dommerinit maluginiarluarneqarpoq, Mads Christensen oqarpoq.
Aallakaatitami unammisut maanna arfiniliinnanngorput.
Juliep peersitaalluni paasigamiuk qisuariarnera uani takujuk