valg
Julie Rademacher Siumut sinnerlugu qinigassanngortippoq
Siumut Inatsisartunut qinersinissamut qinigassanngortitani allat tallimat saqqummiuppai. Kikkut nutaat allat sassarnersut takkukkit Aleqa Hammondip tusagassiorfinnut atatillugu siunnersuisartukuata saniatigut
Siumup Inatsisartunut qineqqusaartitassani siullit 51-it sapaatip akunnerata siuliani saqqummiuppai.
Maannalu Siumup Inatsisartunut novembarip 28-ani qinersinissamut qinigassanngortittut allat nutaat tallimat saqqummiuppai.
Qinigassanngortittut nutaat tallimat nalunaarutigineqartut akornanniippoq Julie Rademacker.
Julie Rademacker Qallunaat Nunaanni Folketingimut ilaasortaanikuuvoq Socialdemokratit sinnerlugit, Kolding Syd-kredsenimit 2007-imiit - 2011-mut qinigaalluni, nunatsinnilu Aleqa Hammondip tusagassiuutit pillugit siunnersuisartorisimasaatut ilisimaneqarluni.
Qinigassanngortittut nutaat nalunaarutiginerinut atatillugu aamma Inatsisartuni Siumumut sinniisussaalluni ilaasortaasimasoq, Nuummeersoq Saxtorph Didriksen patsiseqavilluni qinigassanngortikkaluarnerminik utertitsisoq Siumumit ilisimatitsissutigineqarpoq.
Kikkut Siumut sinnerlugu, nalunaarutigineqareersunit 51-init, aamma Inatsisartunut qinigassanngortinnersut takukkit:
Nuuk
- Julie Pilunnguaq Rademacher
- Karen Motzfeldt
- Aka Grønvold
Qaqortoq
- Vivian Motzfeldt
Qaanaaq
- Mads Ole Kristiansen