Kunngikkormiut qaaqqusisut
Julie Dronningimut unnugu erinarsussaaq
Kunngikkormiut aaqqissugaannik nereqatigiittoqareerpat Julie Berthelsen erinarsortussat ilaraat
Dronning qitigiartitsiniarluni qaaqqusivoq. Folketingimi ilaasortat, naalakkersuinermik ingerlataqartut maannakkut ulapputeqaraluaqisut qaaqqusaapput, Christiansborg Slot-imilu ingerlanneqassalluni. Christiansborgip ataatsimiittarfiisa ilaanni folketingimi ilaasortat pisussamut piareersaleruttorput.
Folketingimi ilaasortaq Sara Olsvigip qitinnissaminut Nuummi piareersarpoq.
- Aap piareerpunga, Sara Olsvig marlunngornermi Sermitsiaq.AG-mut oqarpoq.
Kunngikkormiut qaaqqusinerannut ilaatigut peqataassapput Doris Jakobsen Siumut, Naalakkersuisut siulittaasuat Aleqa Hammond Siumut inooqataalu Tom Ostermann kiisalu Inatsisartut siulittaasuat Lars-Emil Johansen
Juliep erinarsugassaa
Unnuup ingerlanerani aliikkusersuisoqassaaq, tassani danskit oqaluttuarisaanerat sammineqassalluni. Ilitsersuisartup Steen Kørnerip aliikkusersuinissaq aaqqissorpaa. Qallunaat qanga tusarnaartagaat aliikkusersuinermi atorneqarnissaat qularnanngilaq. Aamma sisamanik tapartartoqarumaartoq Julie Berthelsen aliikkusersuinermi kingullerpaalluni erinarsorumaartoq oqarpoq.
- Qallunaap nipilersortartup Peter AG-p atugaa 'Den dejligste morgen i 100 år' naggasiutigissavarput, tassani eqqissisimasumik atussavarput takutassiamit 'Danmark'-imit Steen Kørnerimit ilitsersorneqartumit tigulaarisoqassalluni. Kusanarlunilu nuannertorujussuussaaq, Julie Berthelsen Sermitsiaq.AG-mut oqarpoq.
Politikkimi sammiviit akimorlugit kalaallit puisit amiutaannut siuarsaaniaqatigiit suliniutip maluginiarneqarnissaanut qaaqqusinermi puisit amiinik atugaqassapput.