Atuakkat

Julie Berthelsenip atugaq pinerluttulersaaut immiuppaa

Juullimut ulapputtoqaleruttornerani Julie Berthelsenip atugaq pinerluttulersaarut 'Frosne Beviser' atuffassissutitut immiunnissaa periarfissaqarfisimavaa, atuakkanillu saqqummersitsisarfiup Lindhardt og Ringhof-p, taanna saqqummerseqqammerpaa.

Ukioq kingulleq 'Frosne Beviser' saqqummersinneqarmat Det Danske Kriminalakademi-mit nersornaatisivoq, amerlasuunillu pissaganartuliatut atuagassiatsialattut oqaatigineqarpoq.

Atuakkanik naqiterivik Lindhardt og Ringhof tusagassiuutinut nalunaarummi paasissutissiivoq.

Aamma atuaruk: Atuagaq pinerluttulersaarut ullumi saqqummersinneqassaaq

Pisut allaanerusumik misiginerat

Nina von Staffeldtillu oqaluttualiaa Julie Berthelsenip atuffassissutitut immiussimalerpaa, taamaasilluni Sisimiuni Nuummilu pisut nutaamik misigisinnaalerparput.

- Pinerluttulersaarusiat nuanneqaakka, nunatsinnillu pisumik atuarneq assut nuanneqaaq. Sikap atuakkami 'angalanera' pissaganarlunilu misigissutsinik arlalinnik qaffakaatitsivoq. Marlunni najugaqarneq avissaaqqanermillu misigisimaneq ilisarnarput, Julie Berthelsen tusagassiuutinut nalunaarut naapertorlugu oqarpoq.

'Frosne Beviser'-imi nanginneranilu ukioq manna saqqummertumi 'Den Sorte Engel'-imi Sika Haslund – ukiuni arlalinni ilinniagaqareerluni Danmarkimi najugaqareernermi kingorna Kalaallit Nunaannut nooqqqammivoq, tassani suliniaqatigiiffimmi 'Go Greenland'-imi suleqataaleqqammerluni – pingaarnertut inuttaavoq.

Qaqilerinerit

Taanna ukiuni arlalinni pinerlunnerit isertuunneqarsimasut akuliffigai, pinerluutigineqarsimasulli qaqilerlugit.

Atuagaq Saxo.com, Mofibo, Storyte allallu iserfigalugit toqqaannartumik tusarnaarneqarsinnaavoq imaluunniit download-erneqarsinnaalluni.

Powered by Labrador CMS