Juliane oqaatsinut politikki paasisaqarfigerusukkaa

Inuiaqatigiinni kikkulluunniit akornanni oqaatsit oqallisigineqartuaannarmata Juliane Henningsen, IA, oqaatsit pillugit politikki Naalakkersuisunit qanoq ingerlanniarneqarnersoq paaserusuppaa.

Ilaatigut paasiniarpaa misissuisoqarsimanersoq nakkutilliisoqarlunilu - allaammi akiligassiisoqarluni suliffeqarfiit sorliit inatsimmik malinninnginnerat pillugu. Inatsimmi allassimavoq suliffeqarfik qulinit amerlanernik sulisoqarpat oqaatsinut politikkimik ingerlatsisoqassasoq, taamaattorlu nakkutilliisussaatitaassunut nassiunneqassalluni.

- Akiligassiisoqarsimava/pineqaatissiisoqarsimava, aamma Naalakkersuisut naliliippat, inatsiit aallaavigalugu ingerlatsiviit naammaginartumik atuutsitsinersut, Juliane Henningsen, IA aperaaq, taassuma ilanngullugu paasersuppaa naalakkersuisooqatigiit qanoq isumaqarnersut taakkua allakkamik, tusagassiiviit kalaallit oqaasiinik atuinerat nukittorsarneqartariaqartoq.

- Kissaatigineqartoq taanna qanoq atuutsinniarneqassava iliuuserisassallu suut aallartinneqarpat, Juliane Henningsen, ilanngullugu Naalakkersuisunut apeqqutit akillaquneqartut saqqummiullugit:

- Oqaatsit pillugu inatsit tusarniaanerni tamaginni atuutsinneqassaaq. Oqaaseqaat taanna qanoq isumaqarpa?

Naalakkersuisut qanoq isillutik qulakkiissavaat innuttaasut amerlanerpaat kalaallisut allassinnaallutillu oqalussinnaanissaat - tassunga atorneqartussat aningaasanut inatsit aqqutigalugit aaneqassappat?

- Naalakkersuisut qanoq isumaqarfigaat innuttaasut kalaallisut oqalussinnaanngitsut allaffissornermi sulisorineqartut kalaallit oqaasiinit allaanerusumik atugaqartut?

- Naalakkersuisunit anguniarneqarpa siunissami nunatsinni oqaatsit ataatsit tassa kalaallit oqaasii taamaallaat atorneqalissasut imaluunniit Naalakkersuisut isumaqarpat, nunatsinni suliffeqarfinni siunissami qallunaat oqaasii aamma atorneqarsinnaasut immaqalu oqaatsit allat?