assammik arsaanneq
Julecupimi finalertussat GSS-ermiut imminnut unammilersut
Brugseni Julecupimi ullut pingajussaanni ingerlanneqareersorlu finalertussat inissipput. Arnani GSS-ip Byholdit unammissavaat, angutinilu QNA-p GSS unammissavaat
Arnat unammineranni GSS-ermiut finalissapput. GSS-imeersumi amerlasuut GSS-imut aamma Byholdimut avinneqarput, taakku tamarmik finalimut anngupput.
Byholidit aamma QNA unamminerminni finalernissamut tamarmik periarfissaqaraluarput.
Byholdit unamminerup immikkoortuata aappaani ajugaanissartik aatsaat qulakkeerpaat. Unammisut unamminerup immikkoortuani siullermi naligiiginnangajapput, kisianni Byholdit siuaqqalaaginnavipput - muminnermilu 18-14-erput.
QNA unamminerup immikkoortuata aappaani aallartinnerlupput - tamannalu akisunaarneqarpoq, Panu P. Grønvold byholdini unammilluarluni siuariartortitsivoq. Ajugaanermi qulingiluanik isertitaqarluni, isertitsisunullu tunniussisuulluni ajugaanermut pissutaangaatsiarpoq.
QNA-mi siunissami piukkunnaatilinnik takussaasoqarpoq, Ivalu Bjerge, aallarteqqaartuunngikkaluarluni Christina Lange peqatigalugu arfinilinnik isertitsillutik isertitaqarnerpaapput.
Unamminermi Byholdit 36-23-mik ajugaapput, taamaalillutillu ukioq manna julecupimi finalernermi GSS unammissavaat.
Atuaruk: Juullimut unammiuaarneq ingerlanneqartoq
QNA imaluunniit NÛK
Angutini aamma GSS-ip finalimi unnummut QNA aamma NÛK unammineranni unammisassarsiunneqarput.
QNA ulluinnarni Danmarkimi unammisartuusunik arsartoqarpoq.
Unammineq pissanganarpallaanngilaq, tassami QNA-p unammineq aallartinneranit naaneraunut tamaat aquppaa. QNA-p NÛK-mut ajugaanerani Danny Brandt quleraarluni isertitaqarnerpaavoq, unamminerup inerneraa 36-20.