Juaaka atuakkioqqippoq

– Booktown nalissaqanngiluinnarpoq, atuakkanullu illoqarfinnik najoqqutassiaq torrallataalluinnarpoq. Pineqartut atuakkat. Atuakkat nutaat, atuakkt pisoqqat, meeqqanut atuakkiat, inuusuttunut atuakkiat, oqaluttualiat, oqaluttuat, inunnik allaatigisat. Taavalu norskit namminneq atuakkiortunik ataqqillugillu tulluusimaarutigaat, tusaamasarsuit soorlu Ibsen aamma Hansum allallu tamaasa, aammalu nutaat inuusuttullu Misigisaq nalissaqanngitsoq, Juaaka Lyberth oqaluttuarpoq, taannalu sapatip akunnerata naanerani Norgemi Booktown Festivalimi p+eqataavoq, tassani atuakkiortut tusaamasat arlallit festivalimi Bogstaveligt Talt peqataallutik. Festivalimut tassunga Juaaka Lyberth qaaqquneqarsimavoq atuakkiani Godt i Vej pissutigaugu.
Taassuma oqaatigaa soraarummeernissaminut atualeruttorluni, nuannaarutigaalu atuakkanik naliliisartut atuakkani nuannarisimammassuk.
– Politiken-imi ullorissanit arfinilinnit sisamanik ulloriannappunga -- atuagarlu taavaat ´Kalaallit Nunaata forsømte forår-ia´. Akerlianik Ekstrabladet sapaatit akunnerisa marlussuit matuma siornatigut inussiarnisaannginneruvoq - atuatarlu marlunnik ullorialerlugu. Taamaapporli atuakkamik saqqummersitsilluni, ataasiakkaat atuassavaat nalilerlugulu, Juaaka Lyberth oqarpoq.
Taanna oqaluttuarpoq atuakkialiani nutaaq naammassinialeruttorini, allarluinnarmut tunngasoq:
– Tassaavoq kalaaleq sapiitsuliortoq kalaallit oqalualaavinik oqaluttuaqotaannillu tunngavilik, ukiut 7-800 matuma siornatigut pisuutitaq, inuit qallunaatsiaallu akornanni.
– Naammassigukku ´Godt i Vej 2´ aallartissavara, tassanilu piffissaq 1971-imiit 1979-imut sammineqassaaq. Tulleriiaassavakkali, Juaaka Lyberth oqarpoq.