Den sidste rejse
Jonathan Aarhusimi ilineqarsinnaanngilaq
40-nik ukiulik Jonathan Sanimuinaq juulip 13-ianni Aarhusimi Tangkrogenip avataani ipilluni ajunaarpoq. Viborgimili ilisaassaaq - angerlarsimaffeqanngikkaluarluni Aarhusimiinnerusarsimagaluarlunilu
Jonathan Sanimuinaq angerlarsimaffeqarsimanngilaq Aarhusimiinnerusarsimallunilu. Qanittukkut adressini Viborgimut allanngortippaa, tassani ikinngutaa arnaq najugaqarmat. Tamannalu pissutigalugu maanna toqoreerami Aarhusimi ilineqarsinnaanngilaq, ikinngutaasa najugaqarfianni.
Malittarisassat taamaapput kommunip ilisineq akilissagaangagu. Jonathanimut atatillugu adressia Viborgimiissimavoq. Taamaattumik Viborgimi ilisaassaaq. Jonathan Sanimuinnaap ilaqutai ikinngutaalu isumaqaraluartut Aarhusimi ilisaassasoq, ulluinnarni tassaniinnerusarmat.
Taamatut allappoq TV2.dk
– Ilisineq pisortanit isumagineqassagaangat suliassaq ilisinissamik aaqqissuisartumit kommunip isumaqatigiissuteqarfigisaanit isumagineqartarpoq, Viborg Kommunemi suliamik suliarinnittoq Mona Graversen tv2.dk-mut oqarpoq.
Aarhusimi Kirkens Korshær-imi marlunngorpat nalunaaqutaq 11 eqqaaniaasoqassaaq. Tamanna pissaaq Jonathan Sanimuinnaap Viborgimi ilisaanera ilutigalugu. Taassuma arsai Kalaallit Nunaannut timmisartuunneqassapput, tv2.dk paasissutissiivoq.