paarlaanneq
Johan Lund Olsen: Sulilernissara qilanaareqaara
Folketingimi aningaasanut inatsisissatut siunnersuutip suliarineqarnissaa IA Folketingimit sulissaq tullinnguuppoq
Sara Olsvig Folketingimi ukiuni pingasungajanni ilaasortaareerluni Inuit Ataqatigiinni siulittaasunngornini pissutigalugu ilaasortaajunnaarpoq.
Johan Lund Olsen sinniisuuvoq, Christiansborgimi aningaasanut inatsisissatut siunnersuut suliassaasa siullerissavaat.
- Soorunami sulilernissara qilanaarisimaqaara. 2015-imut aningaasanut inatsimmut siunnersuummut suliatsinnut tunngatillugu annertuumik suliassaqarpunga. Aallartikkamali tamanna aallutilerpara, siornalu isumaqatigiinniarnerni misilittakkama iluaqutiginissaat qilanaarivara, Johan Lund Olsen tusagassiutinut nalunaarummi oqarpoq.
Suliami tassani kalaallit eqqartuussiviini suliassanut uneraannartunut atugasanik immikkut ittumik 20 million koruuninnattut IA Folketingimit oqaatigineqarpoq.
- Suliallu aallussatta iluatsinnissaannut tunngavigisarpiagut tassaapput silittumik suleqateqarnerit oqaloqatiginnilluarnerillu, Johan Lund Olsen oqarpoq.