qinersineq

Jess Svane: Uranip innuttaasunut taasissutigitinnissaa tapersersorpara

- Uran pillugu innuttaasunik taasititsissaagut, Qaasuitsup Kommuniani borgmesterip tullersortaa siulleq, Jess Svane, Inatsisartunut qinigassanngortittoq, oqarpoq. Taassuma uran pillugu partiit akornanni suleqatigiinneq pilersikkusuppaa

Siumumit Jess Svane Inatsisartunut qinigassanngortippoq

Partii Siumumit, piffissami kingullermi ammuin- naq aallarsimasumi ilaasortat, novembarip 18-ani Inatsisartunut qinersinissamut qinigassanngortittut, tamarmik neriorsuutigaat, partiip sinnikui katersorneqassasut. Siumut pitsaanngilluinnartumik inissippoq naalakkersuisunut aamma Siumumut siuittaasuusimasup, Aleqa Hammondip, Kalaallit Nunaata karsiata aningaasaataanik inuulluataaruteqartarsimaneranik qulaarisoqareernerata kingorna.

Siunissap pitsaanerulernissaanik qineqqusaartorpassuit neriorsuinerat assigalugu, ukiorpassuanngortuni kommunimi politikeri ilisimaneqarluartoq, Jess Svane, Siumut, taamatuttaaq anguniagaqalersaarpoq. Taassuma kommunalbestyrelsinut qinersinermi apriilimi 2013-imi pisumi, borgmesteritut issiavini nuannareqisani, Ole Dorphimut, annaavaa.

Taamaattumik Jess Svane maanna Nuummi Inat- sisartut ataatsimiittarfiannut kujavartilersaarpoq, tassani eqqissisimanissaq pitsaasumillu sulinissaq qulakkeersinnaasorigamiuk. Tamannalu partiimi ilaasortaaqatimi aqunneqarpiarsinnaanngitsut akornanni taamaallaat pissanngitsoq angorusuppaa. Partiimmi allat aamma tamatuminnga ilinniartinniarlugit takorloorpaa.

Allaaserineqartoq tamaat aviisimi Tamanut Avannaanimi atuarneqarsinnaavoq, tassani aamma avannaani pisimasut pisussallu atuarneqarsinnaallutik. Aviisi akeqanngitsumik ataani aaneqarsinnaavoq:

Powered by Labrador CMS