kommuninut qinersineq
Jess Svane: Isumaqatiginninniarnernut peqataanngilanga
Siumumi politikeri Qaasuitsoq Kujallermi isumaqatiginninniaqataanani oqarpoq
Qaasuitsoq Kujallermi kommunimut qinersinermi Jess Svane Siumumi parteeqatimini taaguunneqarnerpaavoq.
Qinersinerup kingorna kommuninngortussami kina borgmesterinngussanersoq isumaqatiginninniutigineqarpoq.
Atuaruk: Jess Svane siullermik periarfissinneqarpoq
Isumaqatiginninniarnernut peqataanngitsoq
Jess Svane kisianni isumaqatiginninniarnernut peqataanani Sermitsiaq.AG-mut ilisimatitsivoq.
- Enok Sandgreen aamma Nikolaj Jeremiassen parteerput sinnerlugu isumaqatiginninnialeruttorput, Aasianni isumaqatiginninniarnerit ingerlapput. Taakkununnga uanga peqataanngilanga, taanna oqarpoq.
Isumaqatiginninniarnernilu qanoq pisoqarnersoq paasissutissanik pissarsisimanngilaq.
- Naja Petersenilu isumaqatigiinniartugut kukkusumik allaaserineqarsimavoq. Qanoq pisoqarneranik tusagassiuutitigut taamaallaat paasisaqarppunga, Jess Svane oqarpoq.