Skip to main content

Jess G. Berthelsen qineqqusaartunut: SISA-p qineqqusaarutaanera unitsilli

Sulisartut soraarnerussutisiaqalernissamut ingerlatseqatigiffia qineqqusaartut qineqqusaarutaannut aningaasanik aallarfissatut atorneqassanngilaq, taama SIK-ip siulittaasuata qineqqusaartut arlallit qineqqusaarutimik SISA-p aningaasateqarfiannit aningaasalerneqarsinnaasut qineqqusaarutigereerallu nalunaaruteqarpoq.

Sulinermik inuussutissarsiuteqartut kattuffiata siulittaasuata, Jess G. Berthelsenip, Inatsisartunut qineqqusaartut arlallit qineqqusaarutimik sulisartut soraarnerussutisiaqalernissamut ingerlatseqatigiffianit, SISA-mit, qanoq aningaasalersorneqarsinnaanerinut qineqqusaaruteqarnerat tusaakatalersimavaa.

- Inatsisartunut qineqqusaartut ilaasa qineqqusaarnerminnut atatillugu aningaasanik aallerfissaarullutik misigigaangamik SIK-p Soraarnerussutisiaqalernissamut Aningaasaateqarfiata, SISA-p aningaasaatai qineqqusaarutigisalerpaat siunertanut assigi-inngitsunut atorniarlugit. Allaat ernumalerluta qineqqusaarneq suli naammassinngitsoq sulisartut ilungersungaarlutik sulinermikkut aningaasat soraarninngornissaminnut katersaat nungussagaat, Jess G. Berthelsen tusagassiuutinut nalunaaruteqarluni allappoq.

LÆS OGSÅ: SISAp oqaluttuarisaanerani pissarsiat amerlanersaat: 249,6 million koruunit

SIK: Sulisartunuku soraarnerussutisiassaat

Jess G. Berthelsenip tusagassiuutinut nalunaaruteqarnermigut qineqqusaartut paasitikkusuppai taama qineqqusaaruteqarneq SIK-mit sulisartunut innimiilliornertut isigineqartoq.

- Tassami sulisartut sulingaarnermikkut aningaasat utoqqalinissaminnut sillimmatsitut katersorpaat, taamaattumik allamut atugassanngillat, Jess G. Berthelsen allappoq, nangillunilu:

- Aamma ersarissumik ilisimatitsissutigissavara SISA-mi aningaasaatit imaasiinnarlugit sumut tamanut tamaanga atoqqusaanngilluinnarmata inatsisit atuuttut naapertorlugit, ilaatigut Inatsisartut akuerisaannik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER