Jens I. aningaasaqarnermut akileraartarnermullu ataatsimiisitaliami siulittaasunngussaaq

Finn Karlsen Siumut, aalisarnermut, piniarnermut nunalerinermullu ataasinngornermi naalakkersuisunngortinneqarpat Inatsisartuni ilaasortaajunnaassaaq.

Aningaasaqarnermut akileraartarnermullu ataatsimiisitaliami siulittaassuuffini aamma qimattariaqassavaa.

Jens Immannuelsen aningaasaqarnermut akileraartarnermullu Inatsisartut ataatsimiisitaliaanni siulittaasunngussasoq Inatsisartuni qinersissutigineqassasoq Siumut Atassutillu nalunaarutigaat. Nalunaaqutaq 13.00 Inatsisartuni immikkut ataatsimiinneq aallartissaaq.