naalakkersuisunngortoq
Jens B.: Siumup tatiginannginneq takuteqqippaa
Taaseqatigiittarnermik suleqatigiinneq Siumup Demokraatillu akornanni pisoq Siumup kipitissimavaa. Demokraatit siulittaasuat Jens B. Frederiksen taama uppernarsaavoq
Demokraatit inatsisartuni inissaminnik annaasaqaqqipput. Tamanna pissaaq taaseqatigiittarnikkut Siumut suleqatigiunnaaramnikkuy. Maanna Demokraatit Inuit Ataqatigiillu suleqatigiinnertik nangeqqilersaalerpaat.
Taaseqatigiittarnikkut Siumumik suleqateqarnikkut Anda Uldum Demokraatineersoq ilaqutariinnermut ataatsimiititaliami aamma aatsitassanut ataatsimiititaliami ilaasortaavoqæ Suleqatigiinneq taanna aqqutigalugu Jens B. Frederiksen sanaartornermut ataatsimiititaliami aamma inuussutissarsiornermut ataatsimiititaliami ilaasortaavoq. Suleqatigiinnerli Siumup kipitimmagu ataatsimiititaliani inissat pineqartut Demokraatit annaavaat.
Suleqatigiinneq kipitinneqartoq pillugu Siumut Demokraatinut ataasinngornermi nalunaarpoq.
- Siumup erserseqqippaa tatiginassuseqarani. Isumaqatigiissimagaluarpugut suleqatigiinneq qinigaaffiup sinnera atuutissasoq, Jens B. Frederiksen suleqatigiinneq kipitinneqartoq pillugu oqarpoq.