Aalborg
Jan viinniliassanik naasorissaasuuniarpoq
Aalborgimi Kalaallit Illuata ukiut arfineq marlungaajaat kingulliit pisortaa, Jan Thrysøe, atorfimminit tunuarumavoq viinnissanillu naatitsisarneq piffissaq tamakkerlugu aalluttalerumallugu
Danmarkimi politiioreerluni Kalaallit Nunaannilu ukiut 20-it missaanni politiitut sulereerlun ukiunilu arfineq marlunni Aalborgimi Kalaallit Illuanni pisortaareerluni Jan tunuarnussaq aalajangiuppaa.
Aalborgimi Kalaallit Illuanni ukiut arfineq marlungajanni kingulerni pisortaq tunuassaaq septimbarip aallaqqaataani, feeriassaqaramili juulip 15-ita missaanni naggammik sulissaaq.
Martsip 31.iani ima sulisunut ilaatigut allagaqarpoq:
'Asasakka sulisut
Ukiut arfineq marlungajaat Aalborginmi Kalaallit Illuanni pisortaareerlunga, manna aalajangiuppara sungiffimmi soqutigalugu sammisartagara – viiniliorneq tamakkiisumik aallutilerniarlugu. Taamatullu septemberip aallaqqaataanni pisortatut tunuassallunga.
Ukiut taakka arfineq marluk pissanganarsimaqaat, misigaangalu suleqatigiilluarluta atuisuvut suleqatigisartagavullu sullinnerini angusavut imaanngeqisut.Qularinngilara Illup kusanartumik ineriartornera nangikkumaartoq, pisortartaap nukingi nutaat suleqatigalugit.'
Jan aamma nalunaarummini allappoq, Illup siulittaasui sutigut tamatigut nutaamik pisortassarsiuineranni siunnersotarnissaannut piareersimalluni, taamatullu pisortaq tulluartoq nasaarissallugu.
Aalborgimi Kalaallit Illuata siulittaasuini siulittaasup Lise-Lotte Terp nalunaarpoq Hedegaaer Managementip, Jannip taartisaanik ujaasinermi inuttassarsiuneq isumagissagaa.